- మొబైల్ ఫోన్లలో ఉపయోగపడే బీహెచ్ఏఆర్ఓఎస్ను ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ) – మద్రాస్ అభివృద్ధి చేసింది. కేంద్ర మంత్రులు ధర్మేంద్ర ప్రధాన్, అశ్వినీ వైష్ణవ్ స్వయంగా బీహెచ్ఏఆర్ఓఎస్ను పరీక్షించి విజయవంతమైందని ప్రకటించారు.
- బీహెచ్ఏఆర్ఓఎస్ ఉచిత, ఓపెన్ – సోర్స్ ఆపరేటింగ్ సిస్టమ్. ఇది నో డిఫాల్ట్ యాప్స్తో వస్తుంది. అంటే బీహెచ్ఏఆర్ఓఎస్ ను ఇన్స్టాల్ చేసుకున్న ఫోన్లో ఎలాంటి యాప్లు కనిపించవు.
- డిఫాల్ట్గా వచ్చే యాప్లతో మోసాలకు గురవుతుండటం వినియోగదారులకు అనుభవమే. అందుకే బీహెచ్ఏఆర్ఓఎస్ ఉన్న ఫోన్లలో అవసరమైన యాప్లను ప్రైవేట్ యాప్ స్టోర్ సర్వీసెస్ (పాస్) నుంచి డౌన్లోడ్ చేసుకోవాల్సి ఉంటుంది.
- పాస్లో బాగా నమ్మకమైన ప్రభుత్వ అనుమతి ఉన్న అన్ని రకాల భద్రత, గోప్యత ప్రమాణాలు కలిగిన యాప్లు మాత్రమే ఉంటాయి.
- ఐఐటీ – మద్రాస్ ఆధ్వర్యంలో స్థాపించిన జే అండ్ కే ఆపరేషన్స్ ప్రైవేట్ లిమిటెడ్ (జండ్కాప్స్) అనే లాభాపేక్ష లేని స్టార్టప్ కంపెనీ బీహెచ్ఏఆర్ఓఎస్ను అభివృద్ధి చేసింది.
- నేషనల్ మిషన్ ఆన్ ఇంటర్ డిసిప్లినరీ సైబర్ ఫిజికల్ సిస్టమ్స్ కింద కేంద్ర సైన్స్ అండ్ టెక్నాలజీ శాఖ నిధులు అందజేసింది.
- కఠినమైన భద్రత, గోప్యత అవసరాలు కలిగిన కొన్ని సంస్థలు ప్రస్తుతం బీహెచ్ఏఆర్ఓఎస్ ఆపరేటింగ్ సిస్టమ్ను పరీక్షిస్తున్నాయి.
