ట్వల్త్‌ ఫెయిల్‌, సెక్టార్ 36 లాంటి చిత్రాలతో నటుడిగా చక్కని గుర్తింపును అందుకున్న విక్రాంత్ మాస్సే.. తాజాగా ఓ క్రేజీ ఛాన్స్ అందుకున్నాడు. బాలీవుడ్ మోస్ట్ ప్రెస్టీజియస్ ‘డాన్‌’ ఫ్రాంచైజీలో నటించబోతున్నాడు. షారుఖ్ హీరోగా ఫర్హాణ్ అక్తర్‌ తెరకెక్కించిన ఈ ఫ్రాంచైజీలో ఇప్పుడు మూడో భాగం రాబోతోంది. ఈసారి షారుఖ్ కాకుండా రణ్‌‌‌‌వీర్ సింగ్ హీరోగా నటిస్తున్నాడు. ప్రీ ప్రొడక్షన్ వర్క్స్ జరుగుతున్నాయి. త్వరలో సెట్స్‌‌‌‌కు వెళ్లనుంది.
ఇందులోని విలన్‌ పాత్రను విక్రాంత్ మాస్సే పోషించబోతున్నాడట. ఇప్పటికే అతడిని ఫర్హన్‌ అక్తర్‌ ఫైనల్ చేసినట్టు తెలుస్తోంది. అధికారిక ప్రకటన రావల్సి ఉంది. ఇప్పటికే లూటేరా, దిల్ దడక్‌‌‌‌నే దో చిత్రాల్లో రణ్‌‌‌‌వీర్, విక్రాంత్ కలిసి నటించారు. ఇప్పడు ‘డాన్‌ 3’ కోసం మరోసారి కలిసి నటించబోతున్నారు. ఇక ఓటీటీ సినిమా ‘సెక్టార్ 36’లో విలన్‌‌‌‌గా నటించిన విక్రాంత్.. ఈసారి ‘డాన్‌ 3’ లాంటి పాన్‌ ఇండియా మూవీలో విలన్‌‌‌‌గా కనిపించబోతున్నాడు.
