అమెరికా మాజీ అధ్యక్షుడు డొనాల్డ్‌ ట్రంప్ కీలక ప్రకటన చేశారు. అమెరికాలోని కాలేజీల్లో గ్రాడ్యుయేషన్‌ పూర్తి చేసుకున్న వీదేశీ విద్యార్థులకు గ్రీన్‌కార్డు ఇవ్వాలనే ఆలోచనతో ఉన్నట్లుగా తెలిపారు. ఆల్-ఇన్ పాడ్‌కాస్ట్ యొక్క ఎపిసోడ్‌లో ట్రంప్ మాట్లాడుతూ.. కళాశాలల నుంచి గ్రాడ్యుయేట్ కాగానే ఈ దేశంలో ఉండేందుకు వీలుగా డిప్లొమాతో పాటే నేరుగా గ్రీన్ కార్డ్ ఇవ్వాలని అనుకుంటున్నాను. అది రెండేళ్లు.. నాలుగేళ్లు.. ఇలా విద్యాభ్యాసం వ్యవధితో సంబంధం లేదు. జూనియర్‌ కాలేజ్‌లకు కూడా దీన్ని వర్తింపజేయాలని భావిస్తున్నాను అని అన్నారు. తాను అధికారంలోకి వచ్చిన తొలిరోజే దీనిపై దృష్టి సారిస్తానని వెల్లడించారు. కరోనా వైరస్‌ కారణంగానే గతంలో దీన్ని అమలు చేయలేకపోయానని చెప్పారు. అమెరికాలో ఉద్యోగం, వ్యాపారం కోసం వెళ్లే ప్రతీ ఒక్కరి కల గ్రీన్‌కార్డు. కానీ ఈ డ్రీమ్ మాత్రం కొద్దిమందికే నెరవేరుతుంది. ఈ కార్డు వస్తేనే అమెరికా పౌరసత్వం తీసుకోవడం సాధ్యమవుతుంది. గ్రీన్ కార్డ్ వల్ల అమెరికాలో శాశ్వత నివాస హోదా దక్కుతుంది. ఆ తరువాత సిటిజన్ షిప్ కు మార్గం సుగుమం అవుతుంది.
