న్యూయార్క్: హమాస్ మిలిటెంట్ సంస్థపై అమెరికాకు కాబోయే అధ్యక్షుడు డొనాల్డ్ ట్రంప్ విరుచుకుపడ్డారు. బందీలను విడిచిపెట్టకపోతే ఆ సంస్థకు నరకం చూపిస్తానని ఘాటుగా హెచ్చరించారు. తాను అధ్యక్షుడిగా బాధ్యతలు చేపట్టకముందే వారిని విడిచిపెట్టాలని అల్టిమేటం జారీచేశారు. లేదంటే తీవ్ర పరిణామాలు ఎదుర్కోవాల్సి ఉంటుందని వార్నింగ్ ఇచ్చారు.
ఈ మేరకు ట్రంప్ ‘ట్రూత్‌’ సోషల్‌ వేదికగా పోస్ట్‌ చేశారు.‘‘నేను అమెరికా ప్రెసిడెంట్గా జనవరి 20న బాధ్యతలు చేపడుతున్నా. ఈ లోపు హమాస్ తన చెరలో ఉన్న బందీలను విడుదల చేయాలి. లేకపోతే ఈ దురాగతాలకు పాల్పడేవారికి నరకం చూపిస్తా. అమెరికా సుదీర్ఘ చరిత్రలోనే చూడని పరిణామాలు ఎదుర్కోవాల్సి ఉంటుంది” అని హెచ్చరించారు.
