హైదరాబాద్ సిటీ, వెలుగు: వంద శాతం కచ్చితత్వంతో సమగ్ర కుటుంబ సర్వే చేపట్టాలని మున్సిపల్ ప్రిన్సిపల్సెక్రెటరీ ఎం.దానకిశోర్ సూచించారు. ఖైరతాబాద్ జోన్లో చేపట్టనున్న సర్వేపై సూపర్ వైజర్లు, ఎన్యూమరేటర్లకు శుక్రవారం బంజారాహిల్స్ గౌరీశంకర్ కమ్యూనిటీ హాల్లో శిక్షణ ఇచ్చారు. దానకిశోర్ పాల్గొని పలు సూచనలు చేశారు. సర్వేలో ఎలాంటి పొరపాట్లకు తావులేకుండా జాగ్రత్త వహించాలన్నారు. గ్రేటర్ పరిధిలో 21 వేల మంది ఎన్యూమరేటర్లను వినియోగించుకుంటున్నామన్నారు. ప్రతి 10 మంది ఎన్యూమరేటర్లకు ఒక సూపర్ వైజర్ను నియమించామని చెప్పారు. కార్యక్రమంలో అడిషనల్ కమిషనర్(లేక్స్) కె.శివకుమార్ నాయుడు, జోనల్ కమిషనర్ అనురాగ్ జయంతి తదితరులు పాల్గొన్నారు.
