హైదరాబాద్, వెలుగు: రాష్ట్రంలోని సర్కారు, ప్రైవేటు, ఎయిడెడ్ డిగ్రీ కాలేజీల్లో సీట్ల భర్తీ కోసం శుక్రవారం దోస్త్ (డిగ్రీ ఆన్లైన్ సర్వీసెస్ తెలంగాణ) షెడ్యూల్, నోటిఫికేషన్ ను రిలీజ్ చేయనున్నట్టు హయ్యర్ ఎడ్యుకేషన్ చైర్మన్ ప్రొఫెసర్ లింబాద్రి తెలిపారు. నోటిఫికేషన్ ను మాసబ్ ట్యాంక్ లోని కౌన్సిల్ ఆఫీసులో మధ్యాహ్నం 12.30 గంటలకు విద్యాశాఖ సెక్రటరీ బుర్రా వెంకటేశం విడుదల చేస్తారని చెప్పారు. కొత్తగా పలు కోర్సులను ఈ విద్యాసంవత్సరం నుంచి ప్రారంభించనున్నట్టు వెల్లడించారు.
