హైదరాబాద్, వెలుగు: డిగ్రీ కాలేజీల్లో అడ్మిషన్ల కోసం నిర్వహిస్తున్న రెండో విడత దోస్త్ రిజిస్ట్రేషన్ల ప్రక్రియను గురువారం సాయంత్రం 5గంటల వరకు పొడిగిస్తున్నట్టు కన్వీనర్, హయ్యర్ ఎడ్యుకేషన్ కౌన్సిల్ చైర్మన్ ప్రొఫెసర్ ఆర్. లింబాద్రి తెలిపారు. మంగళవారంతోనే రిజిస్ట్రేషన్ల గడువు ముగియగా, విద్యార్థుల విజ్ఞప్తి మేరకు మరో రెండ్రోజులు గడువు పెంచినట్టు చెప్పారు. మరోపక్క వెబ్ ఆప్షన్లకు గురువారం వరకు గడువు ఇచ్చినట్టు వెల్లడించారు. స్టూడెంట్స్ ఈ అవకాశాన్ని సద్వినియోగం చేసుకోవాలని సూచించారు. రెండో విడతలో ఇప్పటి వరకు కొత్తగా 50వేల మందికి పైగా విద్యార్థులు రిజిస్ట్రేషన్ చేసుకున్నారని పేర్కొన్నారు.
