కుభీర్, వెలుగు: వైరస్ సోకి తీవ్రంగా నష్టపోయిన సోయా రైతాంగాన్ని ప్రభుత్వం వెంటనే ఆదుకోవాలని కాంగ్రెస్ నేత డా.కిరణ్ కుమార్డిమాండ్ చేశారు. బుధవారం నిర్మల్జిల్లా కుభీర్ మండలం సిర్పెల్లి, పల్సి, కుభీర్ తదితర గ్రామాల్లో దెబ్బతిన్న సోయా పంటలను ఆయన పరిశీలించారు. ఈ సందర్భంగా మాట్లాడుతూ.. ముథోల్నియోజకవర్గంలో పేద రైతు కుటుంబాలు ఉన్నాయని, అప్పులు చేసి పంటలను సాగు చేస్తున్నారని తెలిపారు.
మరికొద్ది రోజుల్లో పంట దిగుబడి వస్తుందనుకుంటే వేలాది ఎకరాల్లో సోయా పంటలకు కొత్త వైరస్ సోకిందని ఆవేదన వ్యక్తం చేశారు. ఒక్కో రైతు ఎకరానికి రూ.20 వేల వరకు నష్టపోయారని, ప్రభుత్వం వెంటనే సర్వే చేసి పరిహారం అందించాలని డిమాండ్ చేశారు. రైతుల పక్షాన కాంగ్రెస్ ఎల్లవేళలా అండగా ఉంటుందన్నారు. ఆయన వెంట నిగ్వ ఎంపీటీసీ దేవిదాస్, రైతులు ఉన్నారు.
