హైదరాబాద్, వెలుగు: గాంధీ మెడికల్ కాలేజీ పూర్తిస్థాయి ప్రిన్సిపల్ గా మెడికల్ ఎడ్యుకేషన్‌ డైరెక్టర్‌(డీఎంఈ) డా.కె. రమేశ్రెడ్డి నియమితులయ్యారు. ఈ మేరకు బుధవారం హెల్త్ మెడికల్ అండ్ ఫ్యామిలీ వెల్ఫేర్ డిపార్ట్ మెంట్ ఉత్తర్వులు జారీ చేయగా.. రమేశ్రెడ్డి బాధ్యతలు చేపట్టారు. ఇన్చార్జి డీఎంఈగా, తెలంగాణ వైద్యవిధాన పరిషత్‌ (టీవీవీపీ) కమిషనర్‌ గా డాక్టర్‌ రమేశ్రెడ్డి ఇప్పటికే బాధ్యతలు నిర్వహిస్తున్నారు. ఇకపై వాటితోపాటు గాంధీ మెడికల్కాలేజీ ప్రిన్సిపల్ గా ఉంటారు. ప్రస్తుత గాంధీ ప్రిన్సిపల్, న్యూరోసర్జరీ హెచ్‌ఓడీ ప్రొఫెసర్‌ జీ.ప్రకాశరావుకు సంగారెడ్డి ప్రభుత్వ ఆస్పత్రి సూపరింటెండెంట్ గా పదోన్నతి కల్పించి బదిలీ చేశారు. కార్డియాలజీ ప్రొఫెసర్‌ నితిన్‌ కుమార్‌ కాబ్రాను ఆదిలాబాద్‌ రిమ్స్‌ సూపరింటెండెంట్ గా ట్రాన్స్ఫర్ చేస్తూ ప్రమోషన్ కల్పించారు.
గాంధీ మెడికల్ కాలేజీ, ఆస్పత్రులకు చెందిన పలువురు ప్రొఫెసర్లకు పదోన్నతులు కల్పిస్తూ డీఎంఈ రమేశ్రెడ్డి ఉత్తర్వులు జారీ చేశారు. గాంధీ ఇన్చార్జి సూపరింటెండెంట్ గా చేస్తున్న జనరల్‌ మెడిసిన్‌ ప్రొఫెసర్‌ ఎం. రాజారావుకు పూర్తిస్థాయి సూపరింటెండెంట్ గా పదోన్నతి కల్పించారు. పీడియాట్రిక్‌ ప్రొఫెసర్‌ శివరాంప్రసాద్‌ కు జగిత్యాల మెడికల్ కాలేజీ ప్రిన్సిపల్గా, ఆర్ధోపెడిక్‌ ప్రొఫెసర్‌ వాల్యాను నిజామాబాద్‌ ఆస్పత్రి సూపరింటెండెంట్, కే. ఇందిరను నిజామాబాద్‌ కాలేజీ ప్రిన్సిపల్, మైక్రోబయోలజీ ప్రొఫెసర్‌ కే. నాగమణిని భద్రాద్రి కొత్తగూడెం మెడికల్ కాలేజీ ప్రిన్సిపల్, గ్యాస్ట్రో ఎంట్రాలజీ ప్రొఫెసర్‌ పీ. శ్రవణ్కుమార్‌ను మహబూబాబాద్‌ ఆసుపత్రి సూపరింటెండెంట్, బయోకెమిస్ట్రీ ప్రొఫెసర్‌ మహ్మద్‌ దావూద్‌ సులేమాన్‌కు మంచిర్యాల కాలేజీ ప్రిన్సిపల్గా పదోన్నతులు కల్పిస్తూ బదిలీ ఉత్తర్వులు జారీ చేశారు.
