నిజామాబాద్, వెలుగు: నిజామాబాద్ మెడికల్ కాలేజీకి అనుబంధంగా నడుస్తున్న గవర్నమెంటు జనరల్ హాస్పిటల్ (జీజీహెచ్)లో డ్రైనేజీ వ్యవస్థ అధ్వానంగా మారింది. మెడికల్ కాలేజీని కట్టినప్పుడే హాస్పిటల్ కోసం కొత్త బిల్డింగ్కట్టారు. ఆధునిక హంగులతో హాస్పిటల్ కోసం ఏడంతస్తుల బిల్డింగ్ కట్టినా టాయ్లెట్లు, వాష్రూమ్లు.. డ్రైనేజీ వ్యవస్థ దారుణంగా ఉంది. ఆస్పత్రిలోని వార్డులన్నీ కంపు కొడుతున్నాయి. జీజీహెచ్కు రోజూ దాదాపు2,500 మంది వరకు అవుట్ పేషెంట్లు వస్తుంటారు. ఇన్ పేషెంట్ల తాకిడి కూడా ఎక్కువగానే ఉంటుంది. 750 పడకలకు సాంక్షన్ ఉన్నా రోగుల రాక ఎక్కువ కావడంతో బిల్డింగ్లో ఖాళీగా ఉన్న గదులను కూడా వార్డులుగా మార్చి మొత్తం 1,300 పడకలను ఏర్పాటు చేశారు.
పేషెంట్లు, వారి సహాయకులు, డాక్టర్లు, సిబ్బందితో కలిసి రోజు దాదాపు 6 వేల మందికి తగ్గకుండా హాస్పిటల్కు వచ్చివెళ్తుంటారు. ఇన్ పేషెంట్లు, వారి అటెండెంట్లు దాదాపు 3 వేల మంది వరకు ఉంటారు. వీరి అవసరాలకు తగ్గట్టు మరుగు దొడ్లు, బాత్రూమ్లు ఏర్పాటు చేయలేదు. హాస్పిటల్, దాని పరిసరాలు పరిశుభ్రంగా ఉండాలి. కానీ ఇక్కడ అలాంటి పరిస్థితి లేదు. డ్రైనేజీ పైప్లైన్లు పగిలిపోయి మురుగునీరు లీక్ అవుతోంది. దీంతో బిల్డింగ్ వెనుకవైపు గోడంతా మురుగునీటితో తడిసి ఫ్లోర్లలో భరించరాని దుర్వాసన వ్యాపిస్తోంది.
వాసన భరించలేక పేషెంట్లు నానా అవస్థలు పడుతున్నారు. రోగుల నుంచి ఫిర్యాదులు వచ్చినప్పుడు తాత్కాలిక రిపేర్ల చేయించి నెట్టుకొస్తున్నారు. పెండింగ్లో ప్రపోజల్స్హాస్పిటల్ డ్రైనేజీ సిస్టమ్ పూర్తిగా మార్చాలని టీఎస్ఎంఎస్ఐడీసీ ఇంజనీర్లు చెప్తున్నారు. ఈమేరకు రూ. 1 కోటి 60 లక్షలతో ప్రపోజల్స్ తయారు చేసి వైద్య శాఖ మంత్రి హరీశ్ రావుకు పంపారు. ఇంతవరకు ఫండ్స్ సాంక్షన్కాలేదు.
