రామచంద్రాపురం, వెలుగు: చెరువులు, కుంటలను కాపాడాల్సిన అధికారులు కబ్జాదారులకే వత్తాసు పలుకుతున్నారు. సంగారెడ్డి జిల్లా అమీన్పూర్మండలం కిష్టారెడ్డిపేట సర్వే నంబర్131లోని నక్కలపాడు కుంట ఎఫ్టీఎల్‌ పరిధిలో కబ్జాలపై ‘రీ సర్వేతో డ్రామాలు’ హెడ్డింగ్‌తో ఈ నెల 4 న ‘వెలుగు’లో స్టోరీ పబ్లిష్ అయిన విషయం తెలిసిందే. అధికార పార్టీకి చెందిన ఓ లీడర్‌ 30 గంటలు కబ్జా చేసి పదుల సంఖ్యలో నిర్మాణాలు చేపట్టిన విషయం వెలుగులోకి రావడంతో రెవెన్యూ, మున్సిపల్ అధికారులు స్పందించారు. కానీ, ముందుగా చెప్పినట్లు తూతూ మంత్రంగానే చర్యలు తీసుకున్నారు. మంగళవారం అక్కడికి వెళ్లి కేవలం ప్రహరీ కూల్చివేసి బిల్డింగ్ నిర్మాణాలు మాత్రం వదిలేశారు. 30 గుంటల భూమి ఎఫ్టీఎల్లోకి వస్తుందని హెచ్ఎండీఏ క్లియర్గా మార్క్ చేసినా.. కేవలం గోడ కూల్చి వెళ్లడంపై స్థానికులు ఆగ్రహం వ్యక్తం చేశారు.
