భద్రాద్రికొత్తగూడెం, వెలుగు : ప్రతి ఇంట్లో ఒక మహిళైనా తప్పనిసరిగా స్వయం సహాయక సంఘం సభ్యురాలై ఉండాలని డీఆర్డీవో విద్యాచందన అన్నారు. శుక్రవారం కలెక్టరేట్లో జిల్లాలోని సెర్ప్ కార్యక్రమాలపై మండల ఏపీఎంలు, సీసీలతో నిర్వహించిన రివ్యూ మీటింగ్లో ఆమె మాట్లాడారు. గ్రామాల్లోని అవసరాలను గుర్తించి వాటికి అనుగుణంగా కార్యక్రమాలు రూపొందించాలన్నారు.
సామర్థ్యం, ఆసక్తి ప్రకారం పథకాలకు ఎంపిక చేయాలని సూచించారు. ప్రతీ సంఘం క్రియాశీలకంగా ఉండేలా యాక్షన్ ప్లాన్ ఉండాలన్నారు. సీఐఎఫ్ బ్యాంకు లింకేజీ పూర్తి చేయాలని చెప్పారు. ఏపీఎంలు, సీసీలు నెలవారీ లక్ష్యాలను వంద శాతం సాధించాలని ఆదేశించారు. ఈ మీటింగ్లో అడిషనల్డీఆర్డీవో శ్రీనిధి, రీజనల్ మేనేజర్, డీపీఎంలు, ఏపీఎంలు పాల్గొన్నారు.
