- వారం రోజులుగా నీళ్ల కోసం
- గోస పడుతున్నామని ఆవేదన
- ఎంపీడీవో హామీతో విరమణ
లింగంపేట, వెలుగు: తాగునీరు లేక ఇబ్బందులు పడుతున్నా, అధికారులు, లీడర్లు పట్టించుకోకపోవడాన్ని నిరసిస్తూ గురువారం కామారెడ్డి జిల్లా లింగంపేట మండలంలోని మాలోత్తండాకు చెందిన గిరిజనులు లింగంపేట అంబేద్కర్చౌరస్తా వద్ద ఖాళీ బిందెలతో రాస్తారోకో నిర్వహించారు. ఈ సందర్భంగా తండావాసులు మాట్లాడుతూ వారం రోజులుగా తాగునీరు లేక ఇబ్బందులు పడుతున్నామని, పంటపొలాల్లోని బోర్లనుంచి నీళ్లు తెచ్చుకోవాల్సి వస్తుందన్నారు. ఈ విషయమై సర్పంచ్సునీతను ప్రశ్నించగా ఆమె భర్త ప్రకాశ్నాయక్ జోక్యం చేసుకుని దురుసుగా మాట్లాడారని ఆరోపించారు. గిరిజనుల రాస్తారోకోకు బీజేపీ నేత బానాల లక్ష్మారెడ్డి మద్దతు తెలిపి మాట్లాడారు.
మిషన్ భగీరథ ద్వారా ఇంటింటికీ మంచినీరందిస్తున్నామని గొప్పలు చెప్పుకుంటున్న ప్రభుత్వానికి గిరిజనుల కష్టాలు కనిపించడం లేదా అని ప్రశ్నించారు. విషయం తెలుసుకున్న ఎంపీడీవో మల్లికార్జున్రెడ్డి ఘటనా స్థలానికి ఏఈను పంపి, తాగునీటి సమస్యను పరిష్కరిస్తామని హామీ ఇవ్వడంతో రాస్తారోకో విరమించారు. రాస్తారోకో చేస్తుండగా ఎండకు తట్టుకోలేక తండాకు చెందిన రమావత్ఫూల్సింగ్అనే వృద్ధుడు సొమ్మసిల్లి పడిపోయాడు.
