హిందూ మహాసముద్రంలో ఒక వాణిజ్య నౌకపై డ్రోన్ దాడి జరిగింది. ఈ ఘటనలో ఇప్పటివరకు ఎటువంటి ప్రాణనష్టం జరగలేదని రెండు సముద్ర ఏజెన్సీలు తెలిపాయి. లైబీరియా జెండాతో ఉన్న ఈ నౌక ఇజ్రాయెల్‌తో అనుబంధంగా ఉందని తెలుస్తోంది. సమాచారమందుకున్న భారత నేవీ.. వెంటనే ఐసీజీఎస్ విక్రమ్ ను రంగంలోకి దించి సహాయక చర్యలు చేపట్టింది. భారత్ లోని వెరావల్(గుజరాత్) తీరానికి నైరుతి దిశగా దాదాపు 200కి.మీ. దూరంలో ఊ ఘటన జరిగిందని ఆ ఏజెన్సీ వెల్లడించింది.
డ్రోన్ దాడి కారణంగా నౌకలోని రసాయన పదార్థాలున్న ట్యాంకర్ పేలి అగ్నిప్రమాదం జరిగినట్టు తెలిపింది. ఎలాంటి ప్రాణ నష్టం జరగకపోయినప్పటికీ నౌకకు కొంచెం మేర నష్టం జరిగినట్టు సమాచారం. ఈ ఘటనపై ఇండియన్ నేవీ కూడా ఓ ప్రకటన విడుదల చేసింది. ఈ ఘటనలో 20మంది భారతీయులు సహా సిబ్బంది అంతా సురక్షితంగా బయటపడినట్టు తెలిపింది.
UKMTO WARNING 018/DEC/2023
— United Kingdom Maritime Trade Operations (UKMTO) (@UK_MTO) December 23, 2023
ATTACK – INCIDENT 018 UPDATE 01
UKMTO have received a report of an attack by Uncrewed Aerial System (UAS) on a vessel causing an explosion and fire. https://t.co/qFzIsjDvnj#MaritimeSecurity #marsec pic.twitter.com/gBARms8K9T
