ములుగు, వెలుగు: ఉద్యాన పంటల అభివృద్ధికి డ్రోన్ టెక్నాలజీ అవసరమని కొండా లక్ష్మణ్ హార్టికల్చర్ యూనివర్సిటీ వైస్ చాన్స్లర్ దండా రాజిరెడ్డి అన్నారు. ములుగులోని హార్టికల్చర్ యూనివర్సిటీలో సోమవారం డ్రోన్ సెంటర్ ఏర్పాటు, డ్రోన్ వినియోగం గురించి కోరమాండల్ ఇంటర్నేషనల్ లిమిటెడ్ అధికారులతో సమావేశం నిర్వహించారు. ఈ సందర్భంగా రాజిరెడ్డి మాట్లాడుతూ.. ఉద్యాన పంటల్లో డ్రోన్వినియోగాన్ని పెంపొందించడానికి కోరమాండల్ కంపెనీతో ఒప్పందం చేసుకున్నామన్నారు.
పంటల పర్యవేక్షణ, తెగుళ్ల నియంత్రణ, పోషక నిర్వహణ కోసం డ్రోన్ వినియోగాన్ని ఆప్టిమైజ్ చేయడం ద్వారా ఉద్యాన రంగంలో సాంకేతికతను డెవలప్చేయడం ఈ సమావేశం ముఖ్య ఉద్దేశమన్నారు. డ్రోన్ టెక్నాలజీ ఉద్యాన రంగంలోని రైతులకు ప్రయోజనం చేకూరుస్తుందని తెలిపారు. కార్యక్రమంలో కోరమాండల్ ఇంటర్నేషనల్ లిమిటెడ్ వైస్ ప్రెసిడెంట్ సుబ్బారెడ్డి, రామకృష్ణ, వినోద్, వర్సిటీ రిజిస్ట్రార్ భగవాన్, రాజశేఖర్, విజయ, శ్రీనివాసన్ పాల్గొన్నారు.
