- ఇద్దరిని అరెస్ట్ చేసిన పోలీసులు
జీడిమెట్ల, వెలుగు: నకిలీ మందులు తయారీ సెంటర్ పై మేడ్చల్ ఎస్వోటీ, డ్రగ్ కంట్రోల్ అధికారులు దాడులు చేశారు. రూ.50లక్షల విలువైన సామగ్రిని స్వాధీనం చేసుకున్నారు. మేడ్చల్డీసీపీ కోటిరెడ్డి గురువారం మీడియా సమావేశంలో వివరాలు తెలిపారు. ములుగు జిల్లాకి చెందిన గోపాల్(42) నిజాంపేట్, మధురానగర్కాలనీ, సాయిబాలాజీ హైట్స్లో ఉంటున్నాడు. కూకట్పల్లి ప్రశాంత్నగర్లో హరిణి ఇండస్ట్రీస్ పేరుతో ప్లాస్టిక్ మౌల్డింగ్కంపెనీ నిర్వహించగా.. కరోనా సమయంలో ఆర్థికంగా నష్టపోయాడు. దీంతో ఢిల్లీకి చెందిన నిహార్తో కలిసి ఈజీ మనీ కోసం ప్లాన్ చేశారు.
ప్రముఖ ఫార్మా కంపెనీల మందుల పేరుతో నకిలీ మందులు తయారు చేసేందుకు దూలపల్లిలో ఓ షెడ్డు తీసుకుని అక్కడ కంపెనీ ఏర్పాటు చేశారు. ఢిల్లీ నుంచి నిహార్ మందుల లేబుల్స్, ప్యాకింగ్ మెటీరియల్ పంపేవాడు. ఫార్మా కంపెనీలకు తీసిపోని విధంగా నకిలీ మందులు తయారు చేసి రామకృష్ణ అనే వ్యక్తి ద్వారా మార్కెట్లో విక్రయించేవారు. సమాచారంలో మేడ్చల్ ఎస్వోటీ , డ్రగ్కంట్రోల్అధికారులు దాడి చేశారు. నిందితులు గోపాల్, రామకృష్ణను అరెస్ట్ చేసి రిమాండ్కి తరలించారు. నిహార్ పరారీలో ఉన్నట్లు పోలీసులు తెలిపారు.
