- అరెస్ట్లు చేసినా ఆగడం లేదు
- యాదాద్రి మీదుగా హాష్ ఆయిల్, గంజాయి తరలింపు
- లీటర్హాష్ ఆయిల్ రూ.10 లక్షల నుంచి రూ.13 లక్షలు
యాదాద్రి, వెలుగు : యాదాద్రి జిల్లా మీదుగా మత్తు పదార్థాల రవాణా జోరుగా సాగుతోంది. గతంలో గంజాయి ఒక్కటే రవాణా చేస్తుండగా కొంతకాలంగా హాష్ ఆయిల్, చరాస్ పేస్ట్ కూడా తరలిస్తున్నారు. పోలీసులు అరెస్టులు చేస్తున్నా రవాణా మాత్రం ఆగడం లేదు. ఒడిశాలోని మల్కన్ గిరి, ఏపీలోని విశాఖపట్నంతోపాటు తెలంగాణ సరిహద్దుల్లోని అటవీ ప్రాంతాల్లో పెద్ద ఎత్తున గంజాయి సాగు అవుతోంది.
అక్కడి నుంచి విజయవాడ, వరంగల్హైవేల మీదుగా యథేచ్చగా హైదరాబాద్, మహారాష్ట్రకు రవాణా చేస్తున్నారు. అయితే గంజాయితోపాటు దాని నుంచి తీసిన హాష్ ఆయిల్, చరాస్ పేస్ట్ రవాణా చేస్తున్నారు. ప్రధానంగా ఆంధ్రా – -ఒడిశా సరిహద్దు (ఏవోబీ) నుంచి ఏపీ, తెలంగాణ, మహారాష్ట్రకు గంజాయి, హాష్ ఆయిల్రవాణా జరుగుతోందని పోలీసులు వెల్లడించారు. విజయవాడ, వరంగల్హైవేల మీదుగా తరలిస్తున్న గంజాయి, హాష్ ఆయిల్ను ఎస్వోటీ పోలీసులు పలుమార్లు పట్టుకున్నారు. ఎంతమందిని అరెస్ట్ చేస్తున్నా.. రవాణా మాత్రం ఆగడం లేదు.
పలువురి అరెస్ట్లు..
యాదాద్రి జిల్లాలో పలుమార్లు గంజాయి, హాష్ఆయిల్ను పోలీసులు స్వాధీనం చేసుకొని పలువురిని అరెస్ట్ చేశారు. తాజాగా ఆంధ్రప్రదేశ్లోని నర్సీపట్నం నుంచి హైదరాబాద్కు తరలిస్తున్న రూ.20 లక్షల విలువైన హాష్ ఆయిల్ ను స్వాధీనం చేసుకొని ముగ్గురిని అరెస్ట్ చేశారు. గతేడాదిలో రామన్నపేట, ఆలేరు, చౌటుప్పల్లో రెండు, మూడు లీటర్ల చొప్పున హాష్ ఆయిల్ను గతేడాది పట్టుకున్నారు. అదేవిధంగా జిల్లాలోని యాదగరిగుట్టలో చరాస్ పేస్ట్ తీసుకొచ్చిన ఆరుగురిని పోలీసులు అదుపులోకి తీసుకున్నారు. ఇక గంజాయి రవాణా చేస్తున్న వారిని అనేక సార్లు పట్టుకున్నారు.
మత్తు కోసం.. బిజినెస్లోకి..
విద్యార్థులు, యువతను లక్ష్యంగా చేసుకుని గంజాయి, హాష్ ఆయిల్ విక్రయాలు సాగుతున్నాయి. దూర ప్రాంతాల నుంచి కాలేజీల్లో చదువుకుంటున్న స్టూడెంట్స్ లేదా యువతను ఎంచుకొని గంజాయి, హాష్ ఆయిల్ను విక్రయిస్తున్నారు. వీటికి బానిసలుగా మారిన స్టూడెంట్స్, యువతచదువును పక్కన పెట్టి మత్తు కోసం ఆరాట పడుతున్నారు. ఇటీవల భువనగిరిలో పట్టుబడిన పెరుసాముల దినేశ్, అమర్థలూరి హానెస్ట్, తాళ్లపల్లి భరణి కూడా తొలుత మత్తుకు అలవాటుపడి.. ఇప్పుడు బిజినెస్లోకి అడుగుపెట్టారని పోలీసులు గుర్తించారు.
గంజాయి నుంచి మూడు రకాల హాష్ ఆయిల్..
లాభాలు ఎక్కువగా వస్తుందన్న స్మగ్లర్లు హాష్ ఆయిల్రవాణాను ఎంచుకున్నట్లు పోలీసులు చెబుతున్నారు. గంజాయి కంటే.. హాష్ ఆయిల్, చరాస్పేస్ట్అమ్మకాల్లోనే లాభాలు ఎక్కువగా ఉంటున్నాయి. రూ.లక్షకు పైగా వెచ్చించి కొనుగోలు చేసిన 50 కిలోల గంజాయి నుంచి లీటర్ హాష్ ఆయిల్ను తీస్తారని, అది మూడు రకాలుగా ఉంటుందని పోలీసులు చెబుతున్నారు. గంజాయి నుంచి తీసే హాష్ఆయిల్లో క్వాలిటీ పరంగా గోల్డ్రకానికి లీటర్కు రూ.13 లక్షలకు పైనే ఉంటే.. గ్రీన్ రకానికి రూ.11 లక్షలకు పైగా, బ్లాక్హాష్ ఆయిల్కు రూ.10 లక్షలు ఉంటుందని పోలీసులు చెబుతున్నారు. ధర ఎక్కువగా ఉండడంతో మిల్లీ మీటర్లలో విక్రయిస్తారని అంటున్నారు.
5 ఎంఎల్హాష్ ఆయిల్ను రూ.7 వేలకు పైగా విక్రయిస్తున్నారు. జిందా తిలిస్మాత్మాదిరిగా కన్పించే ఈ ఆయిల్.. మూడు చుక్కలను సిగరెట్లో వేసి పీలిస్తే మత్తులో మునిగిపోతారు. అదేవిధంగా గంజాయి మొక్కల నుంచి గమ్తో చరాస్ పేస్ట్తయారు చేస్తున్నారు. ఈ పేస్ట్50 గ్రాములకు రూ.20 వేలకు పైనే ఉంటుందని తెలుస్తోంది. సిగరెట్లోని పొగాకు కొంత తొలగించి చరాస్పేస్ట్ను కలుపుకొని పీలుస్తు మత్తులో మునిగిపోతున్నారు.
కొత్త పద్దతుల్లో రవాణా..
గంజాయి, హాష్ ఆయిల్రవాణాలో స్మగ్లర్లు కొత్త పద్దతులు కనిపెడుతున్నారు. గంజాయి ప్యాకెట్లను కారు డిక్కీల్లో, సీట్ల కింద దాచిపెట్టి రవాణా చేస్తున్నారు. గతేడాది కొబ్బరి బోండాల లోడుతో వెళ్తున్న డీసీఎంలో ప్యాకెట్లను పోలీసులు పట్టుకున్నారు. మరో ఘటనలో ఏకంగా డీసీఎం అడుగు భాగంలో బాక్స్ఏర్పాటు చేసి రవాణా చేశారు. హాష్ఆయిల్ను మాత్రం ప్లాస్టిక్ కవర్లలో రవాణా చేస్తున్నారని పోలీసు వర్గాలు చెబుతున్నాయి.
