రంగారెడ్డి జిల్లాలో గంజాయి గ్యాంగ్ రెచ్చిపోయింది. రాజేంద్రనగర్ హైదర్ గూడలో వాకర్స్ పై గంజాయి బ్యాచ్ దాడికి దిగింది. పార్కింగ్ ప్రదేశంలో ఉన్న కార్ల అద్దాలను పగులకొడుతుండగా కొంతమంది అడ్డుకున్నారు. ఈ ప్రాంతంలో పోకిరీలు మాదకద్రవ్యాలు సేవించి... స్థానికులపూ దాడి చేస్తున్నారని స్థానికులు ఆరోపిస్తున్నారు. ఈ ప్రాంతం నిర్మానుష్యంగా ఉండటంతో గంజాయి సేవించేందుకు అడ్డాగా మారిందని చర్చించుకుంటున్నారు.
తెల్లవారుజామున వాకింగ్కు వచ్చేవారిని అసభ్యకరంగా తిడుతూ... ఐదుగురు సభ్యులు నానా హంగామా సృష్టించారు. ఈ విషయంలో స్థానికులు పోలీసులకు ఫిర్యాదు చేసినా పట్టించుకోవడం లేదని ఆరోపిస్తున్నారు. రోడ్లపై తిరగాలంటే పోకిరి మూకతో భయపడుతున్నారు. కుటుంబంతో కలిసి వెళ్లాలంటే గంజాయి గ్యాంగ్ భయభ్రాంతులకు గురిచేస్తుందని ఆవేదన వ్యక్తం చేస్తున్నారు. పోలీసులు.. స్థానిక ప్రజాప్రతినిథులు.. గంజాయి గ్యాంగ్ ను అరికట్టేందుకు చర్యలు తీసుకోవాలని స్థానికులు డిమాండ్ చేస్తున్నారు.
