హైదరాబాద్సిటీ, వెలుగు: దాదాపు రూ.కోటిన్నర విలువైన డ్రగ్స్ను నల్లకుంట, హైదరాబాద్ నార్కోటిక్ ఎన్ఫోర్స్ మెంట్పోలీసులు కలిసి పట్టుకున్నారు. స్నాప్చాట్, ఇతర యాప్స్ద్వారా అమ్మకాలు చేస్తూ.. ఒక్కరోజులోనే రూ.10 లక్షల వరకూ ట్రాన్సాక్షన్స్ చేస్తున్న నలుగురు పెడ్లర్లను అరెస్ట్ చేశారు. ఈ కేసు వివరాలను మంగళవారం సీసీఎస్లో అడిషనల్సీపీ విశ్వప్రసాద్ వెల్లడించారు.
మధ్యప్రదేశ్జబల్‌‌‌‌పూర్ కు చెందిన హర్షవర్దన్ఆర్కిటెక్చర్ చదివాడు. జల్సాలకు అలవాటు పడి డ్రగ్స్ దందాలోకి దిగాడు. రిఫైన్డ్గంజాయిని సేకరించి, సిగ్నల్, టెలిగ్రామ్, రెడిట్యాప్స్ద్వారా సరఫరా చేస్తున్నాడు. క్రిప్టో కరెన్సీ, హవాలా ద్వారా చెల్లింపులు చేసేవాడు. చెన్నైకి చెందిన ఐటీ ఉద్యోగి శ్రీనివాస రాహుల్ గంజాయి తాగుతూ.. సరఫరాదారుడిగా మారాడు.
స్నాప్‌‌‌‌చాట్లో గంజాయి ఆర్డర్లు తీసుకొని చెన్నై, బెంగళూరు, హైదరాబాద్‌‌‌‌లోని పెడ్లర్లకు సరఫరా చేసేవాడు. వీరిద్దరి నుంచి సికింద్రాబాద్కు చెందిన మరో సాఫ్ట్వేర్ఉద్యోగి అభిషేక్, ఆర్కిటెక్ట్ దావల్ డ్రగ్స్ కొని, విక్రయిస్తున్నాడు. పక్కా సమాచారంతో ఈ ముఠాను అరెస్ట్ చేసి, కేసు దర్యాప్తు చేస్తున్నట్టు ఏసీపీ వివరించారు. నిందితుల నుంచి 1380 గ్రాముల హైడ్రోపోనిక్ గంజాయి (ఓజీ), 44 ఎల్‌‌‌‌ఎస్‌‌‌‌డీ బ్లాట్స్, 250 గ్రాముల మ్యాజిక్ మష్రూమ్స్, రూ.10,640 నగదు, ఆరు మొబైల్ ఫోన్లు, రెండు టూ-వీలర్లు, ఇతర ప్యాకింగ్ మెటీరియల్‌ స్వాధీనం చేసుకున్నారు.
