నల్లగొండ జిల్లాలో ఓ మందుబాబు హల్ చల్ చేశాడు. మిర్యాలగూడ పట్టణం హనుమాన్ పేట ఫ్లైఓవర్ వద్ద పోలీసులు డ్రంక్ అండ్ డ్రైవ్ చేపట్టారు. ఈ సమయంలో పీకలదాకా తాగిన మందుబాబు పోలీసుల పట్ల దురుసుగా ప్రవర్తించారు. డ్రంక్ అండ్ డ్రైవ్ టెస్ట్ కు సహకరించకుండా కానిస్టేబుల్ లింగారెడ్డిని కారుతో 50 మీటర్లు ఈడ్చుకెళ్లారు.
ఈ ప్రమాదంలో కానిస్టేబుల్ లింగారెడ్డికి గాయాలు కాగా...అతన్ని స్థానికులు ఆస్పత్రికి తరలించారు. కారు ఆపకుండా పరారైన వ్యక్తిపై వన్ టౌన్ పోలీస్ స్టేషన్లో కానిస్టేబుల్ లింగారెడ్డి ఫిర్యాదు చేశారు. కేసు నమోదు చేసుకున్న పోలీసులు..నిందితుడితో పాటుగా అతని కారు కోసం గాలింపు చర్యలు చేపట్టారు.
