ట్రాఫిక్ పోలీసులకు బిగ్ షాకిచ్చాడు ఓ మందుబాబు. పోలీసులు డ్రంక్ అండ్ డ్రైవ్ టెస్ట్ నిర్వహిస్తుండగా బ్రీత్ ఎనలైజర్ మిషన్ ను పట్టుకుని పారిపోయాడు. డ్రంక్ అండ్ డ్రైవ్ టెస్టు కోసం బ్రీత్ అనలైజర్ మిషన్ ను అతని నోట్లో పెట్టగా దానిని పట్టుకుని క్షణాల్లో పరారయ్యాడు మందుబాబు. దీంతో పోలీసులు ఒక్కసారిగి షాకయ్యారు. అతని ఛేజ్ చేయడానికి ట్రై చేసిన ఫలితం లేకుండా పోయింది.
ఈ ఘటన బోయిన్పల్లి పోలీస్ స్టేషన్ పరిధిలో చోటు చేసుకుంది. దీంతో ట్రాఫిక్ పోలీసులు చేసేది ఏమీలేక బోయిన్పల్లి పోలీస్ స్టేషన్ లో ఫిర్యాదు చేశారు. కేసు నమోదు చేసుకున్న పోలీసులు సీసీ కెమెరాల ఆధారంగా ఆ మందుబాబును పట్టుకునే పనిలో పడ్డారు. డ్రంక్ అండ్ డ్రైవ్ పరీక్షలు చేసిన పోలీసులకే మస్కా కొట్టి పారిపోయిన ఈ మందుబాబు వ్యవహారం ప్రస్తుతం చర్చనీయాంశంగా మారింది.
