హైదరాబాద్, వెలుగు: డీఎస్సీ హాల్ టికెట్లు ఈ నెల 11 నుంచి వెబ్ సైట్ లో అందుబాటులో ఉంటాయని స్కూల్ ఎడ్యుకేషన్ డైరెక్టర్ నర్సింహారెడ్డి ఒక ప్రకటనలో తెలిపారు. అభ్యర్థులు www.schooledu.telangana.gov.in వెబ్ సైట్ నుంచి డౌన్ లోడ్ చేసుకోవచ్చని పేర్కొన్నారు. పరీక్షలను షెడ్యూల్ ప్రకారమే నిర్వహిస్తామని, ఈ నెల 18 నుంచి ఆగస్టు 5వ తేదీ వరకు ఉంటాయని చెప్పారు. కాగా, రాష్ట్రవ్యాప్తంగా 11,062 టీచర్ పోస్టుల భర్తీకి 2.79లక్షల అప్లికేషన్లు వచ్చాయి. అయితే, ఈ మధ్య కొందరు అభ్యర్థులు డీఎస్సీ పరీక్షలను వాయిదా వేయాలని డిమాండ్లు చేస్తున్నారు. ఆన్ లైన్ పరీక్షలు కావడంతో వాయిదా వేయడం కష్టమని మళ్లీ షెడ్యూల్ ఖాళీగా దొరకడం ఇబ్బందేనని అధికారులు చెప్తున్నారు.
