మరికల్, వెలుగు : రేషన్ బియ్యం తరలించిన అక్రమార్కులపై కఠిన చర్యలు తీసుకుంటామని నారాయణపేట డీఎస్పీ సత్యనారాయణ హెచ్చరించారు. శనివారం మండల కేంద్రంలోని సీఐ కార్యాలయంలో మీడియా సమావేశం నిర్వహించి మాట్లాడారు. పేద వారికి అందిస్తున్న రేషన్ బియ్యంను సేకరించి కర్నాటకలోని మిల్లర్లకు దళారులు విక్రయిస్తున్నారని వారిపై పక్కా నిఘా పెట్టి పీడీ యాక్టు కేసులు నమోదు చేస్తామన్నారు.
ప్రజాధనాన్ని దుర్వినియోగం చేస్తున్న వారు ఎవరైన సరే చర్యలు తీసుకుంటామన్నారు. సివిల్ సప్లయ్ అధికారుల, పోలీసుల సమన్వయంతో మరికల్, ధన్వాడ, నర్వ మండలాల పరిధిలో ఆరు రోజుల్లో 6 కేసులు చేసి 80 క్వింటాళ్ల రేషన్ బియ్యంను పట్టుకున్నామని చెప్పారు. రేషన్ బియ్యాన్ని ఎవరైన కొనుగోలు చేసి ఇతర ప్రాంతాలకు తరలిస్తుంటే వారి సమాచారాన్ని మాకు వెంటనే ఒక్క మెసేజ్ చేస్తే వెంటనే స్పందిస్తామని ప్రజలను కోరారు. సీఐ రాజేందర్, ఎస్సైలు హరిప్రసాద్రెడ్డి, రమేష్, కుర్మయ్యలు పాల్గొన్నారు.
