కూకట్పల్లి, వెలుగు: అవినీతి టీఆర్ఎస్ని గద్దె దించితేనే రాష్ట్ర అభివృద్ధి సాధ్యమవుతుందని దుబ్బాక ఎమ్మెల్యే ఎం.రఘునందన్రావు పేర్కొన్నారు. రాష్ట్రంలో కుటుంబ పాలనకు ముగింపు పలికేందుకు రాజీలేని పోరాటం చేస్తున్న బీజేపీతో కలిసి రావాలని పిలుపునిచ్చారు. అల్లాపూర్ డివిజన్ రాజీవ్గాంధీనగర్లో ఆదివారం సాయంత్రం కూకట్పల్లి సెగ్మెంట్ బీజేపీ ఇన్చార్జి మాధవరం కాంతారావు ఆధ్వర్యంలో భారీగా యువత పార్టీలో చేరగా పార్టీ కండువాలు కప్పి ఆహ్వానించారు. ఈ సందర్భంగా ఆయన మాట్లాడుతూ ఉద్యోగ, ఉపాధి అవకాశాలు దక్కుతాయనే ఆశతో ప్రాణ త్యాగాలతో సాధించుకున్న స్వరాష్ట్రంలో అధికారం కొంతమందికే పరిమితం కావడం దురదృష్టకరమని ఆవేదన వ్యక్తం చేశారు. కార్యక్రమంలో బీజేపీ మేడ్చల్జిల్లా బీజేపీ అర్బన్ అధ్యక్షుడు పన్నాల హరీష్రెడ్డి, నేతలు పాల్గొన్నారు.
శివాజీ అడుగుజాడల్లో నడవాలె
శంషాబాద్: యువత శివాజీ అడుగుజాడల్లో నడుస్తూ భారతీయ సంస్కృతి, సంప్రదాయాలను పరిరక్షించేందుకు కృషి చేయాలని బీజేపీ ఎమ్మెల్యే రఘునందన్రావు పిలుపునిచ్చారు. శంషాబాద్ మున్సిపాలిటీ పరిధి మధురానగర్ కాలనీ గ్రౌండ్ లో నిర్వహించిన శివాజీ జయంతి వేడుకలకు మైలార్ దేవ్ పల్లి కార్పొరేటర్ తోకల శ్రీనివాస్ రెడ్డితో కలిసి ఆయన పాల్గొన్నారు.
