మొదలైన దుబ్బాక కౌంటింగ్..

దుబ్బాక బైఎలక్షన్ కౌంటింగ్ సిద్దిపేటలోని ఇందూర్ ఇంజనీరింగ్ కాలేజీలో మొదలైంది. మేం గెలుస్తామంటే.. మేం గెలుస్తామంటూ పార్టీలన్నీ ఆశాభావంతో ఉన్నాయి. మొత్తం 23 రౌండ్లలో ఓట్లను లెక్కించనున్నారు. కౌంటింగ్‌లో భాగంగా మొదట పోస్టల్ బ్యాలెట్లను లెక్కించనున్నారు. ఆ తర్వాత ఈవీఎంల్లోని ఓట్లు కౌంట్ చేస్తారు. ఒక్కో గదిలో ఏడు టేబుళ్ల చొప్పున 14 టేబుళ్లపై ఒక్కో రౌండ్లో 14 పోలింగ్ బూతుల్లో పోలైన ఓట్లను కౌంట్ చేస్తారు. ఒక్కో రౌండ్ కౌంటింగ్కు 20 నిమిషాలు పట్టే చాన్స్ ఉంది. మధ్యాహ్నం 12 గంటల వరకు కౌంటింగ్ పూర్తవుతుందని ఆఫీసర్లు అంటున్నారు. కౌంటింగ్ కేంద్రం వద్ద 357 మంది పోలీసులతో బందో బస్తు ఏర్పాటు చేశారు. కౌంటింగ్ కేంద్రాన్ని కలెక్టర్ భారతి హోళికేరి పరిశీలించారు.

రాష్ట్రవ్యాప్తంగా ఉత్కంఠకు దారితీసిన ఈ ఎన్నికల్లో మూడు ప్రధాన పార్టీలు టీఆర్ఎస్, బీజేపీ, కాంగ్రెస్ హోరాహోరీగా తలపడ్డాయి. టీఆర్ఎస్ తరఫున సోలిపేట సుజాత, బీజేపీ తరఫున రఘునందన్రావు, కాంగ్రెస్ తరఫున చెరుకు శ్రీనివాస్రెడ్డి బరిలో దిగారు.

2018 ఎన్నికల్లో సోలిపేట రామలింగారెడ్డి 62,500 ఓట్ల మెజారిటీతో గెలిచారు. ఆ ఎన్నికల్లో కాంగ్రెస్ అభ్యర్థి మద్దుల నాగేశ్వర్ రెడ్డికి 26,799 ఓట్లు రాగా.. బీజేపీ అభ్యర్థికి 22,595 ఓట్లు పోలయ్యాయి. సోలిపేట రామలింగారెడ్డికి ఈ ఎన్నికల్లో మొత్తం 89,298 ఓట్లు వచ్చాయి.

నియోజకవర్గంలో మొత్తం ఏడు మండలాలున్నాయి. మండలాల వారీగా గ్రామాలు

1)దుబ్బాక-26

2)మిరుదొడ్డి-20

3)తోగుట-22

4)దౌల్తాబాద్-22

5)రాయపోల్-19

6)చేగుంట-28

7)నార్సింగ్-02