జీడిమెట్ల, వెలుగు: నిజాంపేట్కార్పొరేషన్ పరిధిలో కాంగ్రెస్, బీఆర్ఎస్నాయకుల మధ్య తోపులాట జరిగింది. సోమవారం ప్రగతినగర్లో రూ.7.89 కోట్ల అభివృద్ధి పనుల ప్రారంభోత్సవానికి ప్రభుత్వ చీఫ్విప్పట్నం మహేందర్రెడ్డి హాజరయ్యారు. ఈ కార్యక్రమానికి సంబంధించి తమకు ఎటువంటి సమాచారం ఇవ్వలేదని,ప్రొటోకాల్ కూడా పాటించలేదని బీఆర్ఎస్ నాయకులు ఆరోపించారు.
దీంతో అభివృద్ధిని ఓర్వలేక బీఆర్ఎస్ నేతలు గొడవ చేస్తున్నారని కాంగ్రెస్ నేతలు వాగ్వాదానికి దిగారు. ఈ క్రమంలో ఇరువర్గాలు పోటాపోటీగా నినాదాలు చేస్తూ ఒకరినొకరు తోసుకోవడంతో ఉద్రిక్తత నెలకొంది. పోలీసులు కలగజేసుకొని ఇరువర్గాలను అక్కడినుంచి పంపించి వేయడంతో గొడవ సద్దుమణిగింది. కార్యక్రమంలో ఎమ్మెల్యే వివేకానంద, మేయర్నీలారెడ్డి, కమిషనర్సాహేర్ అలీ, కుత్బుల్లాపూర్ ఇన్ఛార్జి హనుమంతరెడ్డి తదితరులు పాల్గొన్నారు.
