భద్రాద్రికొత్తగూడెం, వెలుగు : మిడ్ డే మీల్స్వర్కర్స్కు బకాయి వేతనాలు ఇవ్వాలని మిడ్ డే మీల్స్ వర్కర్స్ యూనియన్(ఏఐటీయూసీ) జిల్లా ప్రధాన కార్యదర్శి విజయలక్ష్మి డిమాండ్ చేశారు. కలెక్టరేట్ ఎదుట సోమవారం యూనియన్ ఆధ్వర్యంలో ధర్నా చేశారు. ఈ సందర్భంగా ఆమె మాట్లాడుతూ ఐదు నెలల బకాయిలను ప్రభుత్వం చెల్లించాల్సి ఉందన్నారు.
చాలీ చాలని జీతాలతో మధ్యాహ్న భోజన కార్మికులు పనిచేస్తున్నారన్నారు. పెరుగుతున్న ధరలకనుగుణంగా మెనూ చార్జీలను పెంచాలన్నారు.అనంతరం కలెక్టర్కు వినతిపత్రాన్ని ఇచ్చారు.ఈ ప్రోగ్రాంలో యూనియన్ నాయకులు ఎ. వెంకటేశ్వర్లు, మంగ, ప్రభావతి,సీత, లక్ష్మి పాల్గొన్నారు.
