దీపావళి కానుకగా అక్టోబర్ 31న రిలీజ్ అయిన లక్కీ భాస్కర్ టాలీవుడ్ సినిమా మంచి పాజిటివ్ టాక్ తో దూసుకుపోతోంది. ఈ సినిమా రిలీజ్ అయిన మొదటి రోజే డీసెంట్ కలెక్షన్లు సాధించింది. అయితే మలయాళ ప్రముఖ హీరో దుల్కర్ సల్మాన్ లక్కీ భాస్కర్ ద్వారా తన కెరీర్ లోనే మొదటిసారి తెలుగులో స్ట్రైట్ ఫిలింలో నటించాడు.
ఈ సినిమాకి తెలుగు ప్రముఖ డైరెక్టర్ వెంకీ అట్లూరి దర్శకత్వం వహించగా బ్యూటిఫుల్ హీరోయిన్ మీనాక్షి చౌదరి హీరోయిన్ గా నటించింది. సితార ఎంటర్టైన్మెంట్స్ బ్యానర్ పై తెలుగు ప్రముఖ సినీ నిర్మాత సూర్యదేవర నాగవంశీ నిర్మించాడు. 1980స్ ఫైనాన్షియల్ పీరియాడిక్ బ్యాక్ డ్రాప్ లో తెరకెక్కిన లక్కీ భాస్కర్ ఆడియన్స్ ని బాగానే ఆకట్టుకుంటుంది.
లక్కీ భాస్కర్ కలెక్షన్ల వివరాలు:
ఈ క్రమంలో రిలీజ్ అయిన మొదటి రోజు ప్రపంచవ్యాప్తంగా దాదాపుగా రూ.12 కోట్లు (గ్రాస్) కలెక్ట్ చేసింది. ఇక రెండోరోజు రూ.14 కోట్లు(గ్రాస్) చేసినట్లు చిత్ర యూనిట్ అధికారికంగా ప్రకటించారు. అయితే దాదాపుగా రూ.100 కోట్ల బడ్జెట్ తో లక్కీ భాస్కర్ సినిమాని తెరకెక్కించారు. దీంతో బ్రేక్ ఈవెన్ టార్గెట్ రూ.70 కోట్లు (గ్రాస్), షేర్ రూ.35 కోట్లు రాబట్టాల్సి ఉంది. దీన్నిబట్టి చూస్తే ఆదివారం సెలవు ఉండడంతో త్వరలోనే బ్రేక్ ఈవెన్ టార్గెట్ ని కూడా సులభంగా చేరుకుంటుందని ట్రేడ్ వర్గాలు అంచనా వేస్తున్నాయి.
