దసరా పండుగను ఉమ్మడి పాలమూరు జిల్లా ప్రజలు గ్రాండ్గా జరుపుకున్నారు. తొమ్మిది రోజుల పాటు దేవీ శరన్నవరాత్రి ఉత్సవాలను భక్తిశ్రద్ధలతో నిర్వహించారు. సోమవారం విజయదశమి సందర్భంగా సాయంత్రం ఆలయాల్లో శమీ పూజలు నిర్వహించి, ఒకరికొకరు జమ్మి ఆకులు ఇచ్చుకుంటూ పండుగ శుభాకాంక్షలు చెప్పుకున్నారు. అనంతరం రావణ దహన కార్యక్రమం జరిగింది.
మహబూబ్నగర్లో ఆర్య సమాజ్ ఆధ్వర్యంలో శోభాయాత్ర నిర్వహించారు. ధ్వజాధారి రథోత్సవం ఆర్య సమాజ్ భవనం నుంచి ప్రారంభమై మినీ ట్యాంక్ బండ్ వద్దకు చేరుకుంది. అనంతరం అక్కడ నిర్వహించిన రావణ దహన ఘట్టాన్ని తిలకించేందుకు ప్రజలు తరలి వచ్చారు. మంత్రి శ్రీనివాస్ గౌడ్ ఈ పూజల్లో పాల్గొన్నారు. వనపర్తిలో జరిగిన వేడుకల్లో మంత్రి నిరంజన్రెడ్డి పాల్గొని శమీ పూజ నిర్వహించారు.
- వెలుగు, నెట్వర్క్
