హైదరాబాద్, వెలుగు: రాష్ట్రంలోని స్కూళ్లకు బుధవారం నుంచి దసరా సెలవులు ప్రారంభం కానున్నాయి. బతుకమ్మ, దసరా పండుగల నేపథ్యంలో ఈ నెల 2 నుంచి 14 వరకు స్కూళ్లకు విద్యాశాఖ హాలిడేస్ ప్రకటించింది. సర్కారు, ప్రైవేట్, ఎయిడెడ్ స్కూళ్లతోపాటు అన్ని రకాల మేనేజ్మెంట్ల పరిధిలోని స్కూళ్లు సెలవులు ఇవ్వాలని ఆదేశాలు జారీ చేసింది. సెలవు దినాల్లో క్లాసులు నడపొద్దని అధికారులు ఇప్పటికే మేనేజ్మెంట్లను హెచ్చరించారు.
మొత్తంగా స్కూళ్లకు 13 రోజుల పాటు సెలవులు ఇచ్చారు. కాగా, మంగళవారం రాష్ట్రవ్యాప్తంగా దాదాపు అన్ని స్కూళ్లలో బతుకమ్మ వేడుకలు నిర్వహించారు. ఇంటర్మీడియెట్ కాలేజీలకు ఈ నెల 6 నుంచి 13 వరకు దసరా హాలిడేస్ కొనసాగనున్నాయి. ఇంటర్ కాలేజీలు అక్టోబర్ 14న రీఓపెన్ కానుండగా, స్కూళ్లు మాత్రం 15న తెరుచుకోనున్నాయి.
