రామచంద్రాపురం (పటాన్చెరు), వెలుగు: సంగారెడ్డి జిల్లాలో పటాన్చెరు పరిధిలోని గీతం డీమ్డ్వర్సిటీలో సంక్రాంతి సంబురాలు ఉత్సాహంగా జరిగాయి. శుక్రవారం వర్సిటీ క్యాంపస్లో సంక్రాంతి పర్వదినాన్ని పురస్కరించుకొని పలు కార్యక్రమాలు నిర్వహించారు. సంప్రదాయ అలంకరణ, ఆటపాటలతో స్టూడెంట్స్, అధ్యాపకులు వేడుకను జరుపుకున్నారు. రంగోలి, ఎద్దుల బండ్లు, రుచికరమైన వంటకాలు, పొంగల్ స్పెషల్ ఐటమ్స్ను అరటి ఆకులో వడ్డించడం, గాలి పటాలు ఎగరవేయడం, తదితర కార్యక్రమాలు ఉత్సాహంగా కొనసాగాయి. కార్యక్రమంలో గీతం స్టూడెంట్ లైఫ్ డిప్యూటీ డైరెక్టర్అంబికా ఫిలిప్, గీతం ప్రతినిధులు, అన్ని బ్రాంచీల అధికారులు, స్టూడెంట్స్ పాల్గొన్నారు.
ఆకట్టుకున్న రంగవల్లులు
సిద్దిపేట: సంక్రాంతిని పురస్కరించుకొని జిల్లా కేంద్రంలో వివిధ స్కూళ్లలో ముగ్గుల పోటీలు నిర్వహించారు. శుక్రవారం స్థానిక సెలెస్టీయల్‌ ఇంగ్లిష్‌ మీడియం హైస్కూల్‌‌లో స్టూడెంట్స్వేసిన రంగవల్లులు పలువురిని ఆకట్టుకున్నాయి. కార్యక్రమంలో డైరెక్టర్లు వై.హన్మంతరెడ్డి, బి.శ్రీనివాస్‌‌రెడ్డి, ప్రిన్సిపాల్‌ ఏఆర్‌‌ఆర్‌ కృష్ణమాచారి, స్కూల్టీచర్లు పాల్గొన్నారు.
చిన్నశంకరంపేట: చిన్న శంకరంపేట మండలం చందాపూర్ ప్రైమరీ స్కూల్లో శుక్రవారం ముందస్తు సంక్రాంతి సంబరాలు ఘనంగా నిర్వహించారు. విద్యార్థులు రంగులతో ముగ్గులు వేయగా, హరిదాసు వేషధారణ, భోగిమంటలతో ఆకట్టుకున్నారు. హెచ్ఎం పరమేశ్వర్ రెడ్డి, అమ్మ ఆదర్శ పాఠశాల చైర్మన్ లావణ్య, అంగన్వాడీ టీచర్స్వప్న, విద్యార్థులు పాల్గొన్నారు. పాపన్నపేట మండల పరిధిలోని ప్రభుత్వ, ప్రైవేట్ స్కూళ్లలో సైతం సంక్రాంతి సంబరాలు నిర్వహించారు.
