స్టవ్ మీద గిన్నె పెట్టి.. ఇంకో పనిలో పడిపోతే.. వంటిల్లో వంట పరిస్థితి ఏంటి? ఒక్కోసారి వంటంతా పాడైపోతుంది. ఒక్కోసారి పెనం మాడిపోతుంది. అలా మాడిన పెనంను క్లీన్ చేయడం పెద్ద పని. ఆ పని ఈజీగా అయిపోవాలంటే ఈ టిప్స్ ఫాలో అయితే సరిపోతుంది.
- మాడిన పెనంలో నీళ్లు పోసి మరిగించాలి.
- ఇలా చేస్తే మాడిన పెనం భాగం మెత్తగ అవుతుంది.
- అప్పుడు రుద్దితే మాడింది వదిలిపోతుంది.
- ఉప్పుతో ఏ వస్తువు అయినా క్లీన్ చేయొచ్చు.
- మాడిన పెనాన్ని క్లీన్ చేసేటప్పుడు గిన్నెలు తోమే సబ్బుతో ఉప్పు కలిపి రుద్దాలి.
- అవసరం అయితే దాంట్లో నిమ్మరసం కూడా కలపొచ్చు.
- బట్టలు ఉతకడానికి వాడే బేకింగ్ సోడాతో రుద్దినా ఫలితం ఉంటుంది.
- వేడి చేసిన నీళ్లలో బేకింగ్ సోడా కలిపి... పెనంలో వేసి రుద్దాలి.
- అవసరమైతే ఇంకా బేకింగ్ సోడా కూడా కలుపుకోవచ్చు.
- టొమాటో కెచప్ తో మాడిన పెనాన్నిక్లీన్ చేయొచ్చని తెలుసా?
- మాడిన దగ్గర టొమాటో కెచప్ పూసి, అరగంట సేపు ఉంచాలి.
- తర్వాత రుద్ది నీళ్లతో శుభ్రంగా కడిగేయాలి.
