హైజిన్ పేరుతో చాలామంది చేత్తో తినడమే మానేశారు ఈ మధ్య. కానీ, శుభ్రత మాట అటుంచితే స్పూన్తో తినడం వల్ల లేనిపోని తిప్పలు వచ్చిపడతాయి. అందుకే 'ఇకనుండైనా కాస్త చేతికి పనిచెప్పండి' అంటున్నారు న్యూట్రిషనిస్ట్ యశ్న. అంతేనా చేత్తో తినడం వల్ల కలిగే లాభాలు కూడా చెప్తోంది.
• చేత్తో తింటే అది 'మైండ్ ఫుడ్ ఈటింగ్ ' అవుతుంది. తినే ఫుడ్ పై కాన్సన్ ట్రేషన్ ఉంటుంది. ఎంత తింటున్నామన్న లెక్క ఉంటుంది. పైగా కాస్త మెల్లిగా తింటాం. వీటివల్ల కొంచెం తిన్నా కూడా కడుపు నిండిన ఫీలింగ్ వస్తుంది. అదే స్పూన్తో తింటే ఎంత తిన్నా తిన్నట్టే అనిపించదు. ఎంత టేస్టీ వంటకమైనా తిన్న సాటిస్ ఫాక్షన్ ఉండదు. దాంతో తినే క్వాంటిటీ ఎక్కువై, బరువూ పెరుగుతారు.
ALSO READ: టికెట్ రాలేదని నాకేం బాధలేదు : లావుడియా రాములు నాయక్
• చేత్తో తినడం వల్ల టైప్-2 డయాబెటిస్ నుంచి తప్పించుకోవచ్చు. అదెలాగంటే.. చాలామంది కుదురుగా కూర్చొని తినే టైం లేక స్పూన్తో గబగబా తింటుంటారు. దానివల్ల బ్లడ్ షుగర్ లెవల్స్ తేడా వచ్చి టైప్ -2 డయాబెటిస్ వచ్చే అవకాశం ఉంది. టైప్ 2 డయాబెటిస్తో బాధపడేవాళ్లలో ఎక్కువ మంది స్పూన్ తో తినే అలవాటున్నవాళ్లేనని చాలా స్టడీల్లో తేలింది.
• చేత్తో తింటే అరుగుదల సమస్యలు కూడా రావు. అన్నం లేదా ఇతర ఫుడ్ ఐటెమ్స్ చేత్తో .. పట్టుకున్నప్పుడు తినడానికి రెడీ అని బ్రెయిన్ పొట్టకి సిగ్నల్స్ పంపిస్తుంది. దానివల్ల తిన్న ఫుడ్ త్వరగా అరిగిపోతుంది. కానీ, స్పూన్ తినడం వల్ల బ్రెయిన్ నుంచి పొట్టకి ఆ సిగ్నల్స్ వెళ్లవు.
• చేతి వేళ్లపై 'నార్మల్ ఫ్లోరా' అనే బ్యాక్టీరియా ఉంటుంది. దీనివల్ల ఆరోగ్యానికి ఎలాంటి నష్టం ఉండదు. పైగా బయటి నుంచి శరీరంలోకి వచ్చే హానికర బ్యాక్టీరియాలని అడ్డుకుంటుంది. అందుకే ఈ బ్యాక్టీరియాని నోరు, గొంతు, డైజేషన్ ట్రాక్, చిన్న పేగులలో వృద్ధి చేసుకోవడం చాలా అవసరం. అందుకు ఏవేవో ప్రయత్నాలు చేయక్కర్లేదు సింపుల్గా చేత్తో అన్నం తింటే చాలు.
• స్పూన్, ఫోర్క్ తినడం వల్ల ఫుడ్ క్వాలిటీ, టెంపరేచర్ తెలియదు. కానీ, చేత్తో తింటే ఫుడ్ చల్లగా ఉన్నా, మరీ వేడిగా ఉన్నావెంటనే తెలుస్తుంది. చేత్తో పెట్టుకోవడం వల్ల ఫుడ్ టెక్చర్, స్మెల్ కూడా తెలుస్తాయి. దానివల్ల ఫుడ్ పాయిజనింగ్ నుంచి తప్పించుకోవచ్చు.
• చేత్తో తినడం కూడా ఒక ఎక్సర్సైజ్. చేత్తో ఫుడ్ కలిపి, తినడం వల్ల కండరాలు బలపడతాయి. దానివల్ల బ్లడ్ సర్క్యులేషన్ పెరిగి బాడీ ఫిట్గా ఉంటుంది. ఈ లాభాలన్నీ కావాలంటే చేతుల్ని శుభ్రంగా కడుక్కుని తినాల్సిందే అంటున్నారు ఈ న్యూట్రిషనిస్ట్.
