ప్రముఖ జీవావరణవేత్త మాధవ్ గాడ్గిల్ పశ్చిమ కనుమల్లో జీవవైవిధ్య సంరక్షణకు చేసిన కృషికిగాను ఐక్యరాజ్య సమితి చాంపియన్స్ ఆఫ్ ఎర్త్ అవార్డును ప్రకటించింది.
ఐక్యరాజ్య సమితి పర్యావరణ కార్యక్రమం(యూఎన్ఈపీ) ఆధ్వర్యంలో యూఎన్ఓ ప్రతి సంవత్సరం పర్యావరణ రంగంలో ప్రకటించే అవార్డుల్లో చాంపియన్స్ ఆఫ్ ఎర్త్ అవార్డు అత్యున్నతమైంది. ఈ అవార్డును 2005లో స్థాపించారు. ఈ ఏడాది చాంపియన్స్ ఆఫ్ ఎర్త్ అవార్డ్ పొందిన ఏకైక భారతీయుడు గాడ్గిల్ మాత్రమే.
అవార్డు అందుకున్న భారతీయులు
డాక్టర్ పూర్ణిమా దేవి బర్మన్ (2002): ప్రముఖ జీవశాస్త్రవేత్త, వన్యప్రాణులను సంరక్షించడంలో చేసిన కృషికిగాను ఈ అవార్డు అందుకున్నారు.
ప్రధాన మంత్రి నరేంద్ర మోదీ: పర్యావరణానికి ముప్పు కలిగించే ఒకేసారి వినియోగించి పడేసే ప్లాస్టిక్ నిర్మూలన కార్యక్రమాన్ని చేపట్టినందుకు, ఇంటర్నేషనల్ సోలార్ అలయన్స్ను ఏర్పాటు చేసినందుకు, పర్యావరణాన్ని పరిరక్షించేందుకు చేపట్టిన వివిధ కార్యక్రమాలకుగాను ఈ అవార్డును 2018లో నరేంద్ర మోదీకి ప్రకటించారు.
మాధవ్ గాడ్గిల్ రిపోర్ట్
మాధవన్ గాడ్గిల్ నేతృత్వంలో 14 మంది సభ్యులతో 2010, మార్చిలో ఆనాటి కేంద్ర పర్యావరణ శాఖ కమిటీని ఏర్పాటు చేసింది. జీవావరణానికి, అంతరించిపోయే ముప్పును ఎదుర్కొంటున్న జీవజాతులకు ఆలవాలమైన పశ్చిమ కనుమలను, పర్యావరణపరంగా ఎకలాజికల్లీ సెన్సిటివ్ అయిన పశ్చిమ కనుమలను మూడు జోన్లుగా విభజించాలంటూ 2011, ఆగస్టు 31న నివేదికను ఇచ్చింది.
