ముంబై : లాజిస్టిక్స్ సర్వీస్ ప్రొవైడర్ ఈకామ్ ఎక్స్ప్రెస్ తన ఫ్లాగ్‌‌‌‌‌‌‌‌షిప్ ప్రోగ్రామ్ 'ఈ–కామ్ సంజీవ్' కింద ఈ ఏడాది సెప్టెంబర్ చివరి నాటికి 50 వేల మందికి పైగా డెలివరీ పార్ట్నర్లను తీసుకుంటామని సోమవారం ప్రకటించింది. పండుగ సీజన్‌‌‌‌‌‌‌‌లో ఆన్లైన్ షాపింగ్ ఆర్డర్ డెలివరీలు పెరుగుతాయని ఆశిస్తున్నట్లు కంపెనీ తెలిపింది. లాస్ట్ మైలు సామర్థ్యాలను మరింత బలోపేతం చేయడానికి ప్రయత్నిస్తోంది. పోయిన సంవత్సరం ప్రారంభించిన 'ఈ–కామ్ సంజీవ్' కార్యక్రమం కింద విద్యార్థులను, గృహిణులను, ఫ్రీలాన్సర్లను డెలివరీ పార్ట్నర్లుగా తీసుకున్నామని ఈకామ్ ఎక్స్ప్రెస్ తెలిపింది.
"ఈ కామర్స్ ఆర్డర్ డెలివరీల విషయంలో కస్టమర్‌‌‌‌‌‌‌‌లు చాలా వేగంగా సేవలను ఆశిస్తున్నారు. పరిశ్రమలలో గ్రోత్ కారణంగా పార్శిళ్ల సంఖ్య నిరంతరం పెరుగుతున్నది. మా డెలివరీ సిస్టమ్ను బలోపేతం చేయడానికి భారీగా గిగ్ వర్కర్లు అవసరం. పండుగల సీజన్‌‌‌‌‌‌‌‌లో కస్టమర్ల నుంచి డిమాండ్‌ ఊహించినంత పెరుగుతుందని అనుకుంటున్నాం” అని ఈకామ్ ఎక్స్ప్రెస్ చీఫ్ స్ట్రాటజీ ఆఫీసర్ ఆశిష్ సిక్కా అన్నారు. కంపెనీ తన డెలివరీ పార్టనర్ నెట్‌‌‌‌‌‌‌‌వర్క్‌‌‌‌‌‌‌‌ను విస్తరించడాన్ని కొనసాగిస్తుందని, ఈ ప్రోగ్రామ్ ద్వారా డెలివరీ పార్ట్నర్లకు సంపాదించే అవకాశాలను ఇవ్వడంతోపాటు వారికి అదనపు ప్రయోజనాలను అందజేస్తామని ఆయన చెప్పారు.
