హైదరాబాద్, వెలుగు: ఈ–కామర్స్ కంపెనీ అమెజాన్ ఈ నెల 20,21 తేదీల్లో నిర్వహిస్తున్న ప్రైమ్డే సేల్లో హోమ్, కిచెన్ అవుట్ డోర్స్ పై కనీసం 50శాతం డిస్కౌంట్లు ఇస్తున్నట్టు ప్రకటించింది. నో కాస్ట్ ఈఎంఐ సదుపాయం కూడా ఉంటుంది. రూ. 10 వేలకు పైగా విలువైన ఉపకరణాల కొనుగోళ్లపై అదనంగా రూ. 1000 తగ్గింపు పొందవచ్చు.
కిచెన్ అవసరాలు, ఇంటి భద్రతా ఉత్పత్తులు, పారిశ్రామిక పనిముట్లు, పరికరాలపైనా డీల్స్ ఉంటాయి. లాన్ గార్డెన్ సాధనాలు, ఆటో ప్రొడక్టులు తక్కువ ధరలకు కొనుగోలు చేయవచ్చని అమెజాన్ తెలిపింది. ఐసీఐసీఐ, ఎస్బీఐ కార్డులతో కొంటే అదనంగా పది శాతం డిస్కౌంట్ ఉంటుందని, ఈ సందర్భంగా 450 బ్రాండ్లు కొత్త ప్రొడక్టులను లాంచ్ చేస్తాయని తెలిపింది.
