రాంచీ/కోల్కతా: బంగ్లాదేశ్ నుంచి మన దేశంలోకి అక్రమ చొరబాట్లకు సంబంధించిన కేసులో మనీలాండరింగ్ వ్యవహారంపై జార్ఖండ్, బెంగాల్లో ఎన్ఫోర్స్మెంట్ డైరెక్టరేట్(ఈడీ) దాడులు చేసింది. మంగళవారం రెండు రాష్ట్రాల్లోని 17 చోట్ల ఈడీ అధికారులు సోదాలు చేశారని అధికారిక వర్గాలు తెలిపాయి. అసెంబ్లీ ఎన్నికల్లో ఫస్ట్ ఫేజ్ పోలింగ్కు ముందు రోజు ఈడీ రెయిడ్స్ జరగడం సంచలనంగా మారింది. రాంచీలోని హోటల్ వద్ద సీఆర్పీఎఫ్ బలగాల మోహరింపు, ఓ రిసార్ట్లో ఈడీ అధికారులు డాక్యుమెంట్లు తనిఖీ చేస్తున్న దృశ్యాలు మీడియాలో వైరల్ అయ్యాయి. ఈ దాడుల్లో ఫేక్ ఆధార్ కార్డులు, ఫోర్జరీ పాస్ పోర్టులు, ఆయుధాలు తదితర వస్తువులు స్వాధీనం చేసుకున్నారు.
