మహేశ్వరం నాగారం భూకేసులో ఈడీ విచారణ ప్రారంభించింది. ఈ కేసులో మాజీ ఆర్డీవో వెంకటాచారి ఈడీ అధికారుల ఎదుట విచారణకు హాజరయ్యారు. మహేశ్వరం మాజీ ఆర్డీవో, ఐఏఎస్ అధికారి అమోయ్ కుమార్... ఎమ్మార్వో జ్యోతిలను విచారించిన తరువాత మాజీ ఆర్డీవో వెంకటాచారికి ఈడీ సమన్లు జారీ చేసింది. నాగారంలోని సర్వే నెంబరు 181 లో 42 ఎకరాల భూ కేటాయింపులపై ఈడీ దర్యాప్తు చేస్తుంది. మెహదీపట్నానికి చెందిన షరీఫ్ ఫిర్యాదు ఆధారంగా మహేశ్వరం పీఎస్ లో కేసు నమోదైంది. 2023 మార్చిలో పోలీసులు నమోదు చేసిన కేసు ఆధారంగా ఈడీ అధికారులు దర్యాప్తు చేస్తున్నారు.
