ముంబై: నటి శిల్పాశెట్టి భర్త, వ్యాపార వేత్త రాజ్ కుంద్రాకు ఈడీ సమన్లు జారీ చేసింది. పోర్న్ సినిమాల డిస్ట్రిబ్యూషన్కు సంబంధించిన మనీలాండరింగ్ కేసులో భాగంగా వీటిని అందజేసింది. సోమవారం ఉదయం విచారణకు రమ్మని పిలిచింది. ఈ కేసులో సంబంధం ఉన్న మరికొంత మందికి ఈ వారంలో ఈడీ సమన్లు అందజేసిన్నట్టు తెలుస్తోంది. రెండ్రోజుల క్రితమే రాజ్ కుంద్రాకు సంబంధించిన ఆస్తులపై పలుచోట్ల ఈడీ దాడులు చేసింది. ముంబై, ఉత్తరప్రదేశ్లో సోదాలు చేపట్టింది. ఈడీ రెయిడ్స్పై శనివారం రాజ్ కుంద్రా స్పందించారు. గత నాలుగేండ్లుగా కొనసాగుతున్న విచారణకు తాను పూర్తిస్థాయిలో సహకరిస్తున్నని తెలిపారు.
