రాష్ట్రంలో ఈడీ అధికారుల సోదాలు కలకలం రేపుతున్నాయి. ఈ సారి మెడికల్ కాలేజీలే టార్గెట్గా సోదాలు జరుగుతున్నట్లు సమాచారం. వీటిల్లో ఆరు మెడికల్ కాలేజీలు ఉన్నాయి.
మహబూబ్ నగర్, హైదరాబాద్లోని ఎస్వీఎస్ మెడికల్ కాలేజీ రిసర్చ్ సెంటర్, కామినేని, ప్రతిమ తదితర కళాశాలలో ఏకకాలంలో రైడ్స్ జరుగుతున్నాయి. మొత్తం 11 బృందాలు ఇందులో పాల్గొన్నట్లు సమాచారం. ఆయా తనిఖీల్లో నలుగురు ఈడీ అధికారులతో, సీఆర్ పీఎఫ్ సిబ్బంది ఉన్నారు. కామినేని ఆసుపత్రి ఛైర్మన్ సూర్యనారాయణ, ఎండీ శ్రీధర్ నివాసాల్లోనూ ఈడీ సోదాలు కొనసాగుతున్నాయి. కరీంనగర్ రూరల్ మండలం నగనూరులోని ప్రతిమా కాలేజ్ కూడా ఇందులో ఉంది. హైదరాబాద్‌తో పాటు నల్గొండ, రంగారెడ్డి, మహబూబ్నగర్, మేడ్చల్ జిల్లాలో రైడ్స్ జరిగే అవకాశం ఉంది. కార్ఖానా, చౌటుప్పల్, జడ్చర్ల, చేవెళ్ల, పివి ఎక్స్ప్రెస్ వే ,గచ్చిబౌలి ఓఆర్ఆర్, శామీర్ పేట్ వైపు బృందాలు వెళ్లాయి.
