స్టీవ్ స్మిత్‌కు ఘోర అవమానం.. పాటలు పాడుతూ టీజ్ చేసిన ఇంగ్లండ్ ఫ్యాన్స్

ఇంగ్లండ్ గడ్డపై ఆస్ట్రేలియా స్టార్ బ్యాటర్ స్టీవ్ స్మిత్‌కు చేదు అనుభవం ఎదురైంది. 2018 దక్షిణాఫ్రికా పర్యటనలో చోటుచేసుకున్న బాల్‌ టాంపరింగ్‌ ఇష్యూ తదనంతరం జరిగిన ఓ విషయాన్ని ప్రస్తావిస్తూ ఇంగ్లండ్ అభిమానులు అతన్ని హేళన చేశారు. 

బాల్‌ టాంపరింగ్‌ విషయాన్ని అంగీకరిస్తూ స్మిత్‌ మీడియా ముందు కన్నీరు పెట్టుకున్నాడు. దీనిని హైలైట్‌ చేస్తూ ఇంగ్లండ్ ఫ్యాన్స్ ఓ పాట పాడుతూ అతని మనసు గాయపరిచారు. We Saw You Crying On Telly (నువ్వు ఏడుస్తుంటే మేము చూశాం) అంటూ అతన్ని అవమానిస్తూ రాక్షసానందం పొందారు. నాలుగో రోజు ఆటలో స్మిత్‌ బౌండరీ లైన్‌ వద్ద ఫీల్డింగ్‌ చేస్తున్న సమయంలో ఈ ఘటన చోటుచేసుకుంది.

Heartbreaking. Steve Smith has broken down delivering a message to young Aussie cricket fans. pic.twitter.com/l14AsvAhXz

— cricket.com.au (@cricketcomau) March 29, 2018

ప్రేక్షకులు పదే పదే పాటను కొనసాగించడంతో స్మిత్‌ తెగ ఇబ్బంది పడ్డాడు. పైకి నవ్వుతూ ఇంకా పాడండి అంటున్నట్లు తల ఊపినప్పటికీ.. అతని ముఖంలో బాధ స్పష్టంగా కనిపించింది. అందుకు సంబంధించిన వీడియో ప్రస్తుతం నెట్టింట వైరలవుతుంది. నెటిజన్స్ ఇంగ్లండ్‌ ప్రేక్షకుల తీరును తప్పుబడుతున్నారు. ఓటమి భయంతోనే ఇలాంటి చర్యలకు పాల్పడుతున్నారని బుద్ధి చెప్తున్నారు.

English crowd singing "We saw you crying on the Television" for Steve Smith. Smith dealing with all smiles.

English crowds are great but this is pathetic behaviour. For someone who has accepted their mistakes and apologized publically.#TheAshespic.twitter.com/jEFQqdIJSl

— Himanshu Pareek (@Sports_Himanshu) June 19, 2023

ఇక, యాషెస్ సిరీస్ తొలి టెస్ట్ రసవత్తరంగా సాగుతోంది. చివరి రోజు ఆట మిగిలివుండగా.. ఇరు జట్లకు విజయావకాశాలు సమంగా ఉన్నాయి. విజయానికి ఆసీస్‌ 174 పరుగుల దూరంలో ఉండగా, ఇంగ్లండ్‌ 7 వికెట్లు దూరంలో ఉంది.