- ఉమ్మడి జిల్లాకు దాదాపు చేరిన పార్ట్–1 టెక్స్ట్ బుక్స్
- నెలాఖరుకు బ్యాలెన్స్ బుక్స్
- స్కూల్స్ తెరిచిన వెంటనే స్టూడెంట్స్ చేతుల్లోకి..
- ఈసారి పేపర్ మందం తగ్గింపు
నిజామాబాద్/ కామారెడ్డి, వెలుగు: వేసవి సెలవులు ముగిసి స్కూల్స్ రీఓపెన్అయ్యే నాటికి ఉమ్మడి జిల్లాలోని స్కూల్స్ కు టెక్స్ట్ బుక్స్చేరవేసేందుకు విద్యాశాఖ రెడీ అయింది. గవర్నమెంట్ఆదేశాల మేరకు సకాలంలో స్టూడెంట్స్కు బుక్స్ పంపిణీ చేసేందుకు చర్యలు చేపట్టింది. నిజామాబాద్జిల్లాకు 75 శాతం, కామారెడ్డికి 60 శాతం పాఠ్యపుస్తకాలు ఇప్పటికే చేరాయి. ఈ నెలాఖరుకు మిగిలిన బుక్స్ చేరేలా ఏర్పాట్లు చేశారు. అవసరమైన నోటు పుస్తకాలు కూడా రెండు జిల్లా కేంద్రాల్లో అందుబాటులో ఉన్నాయి. ఎంఈఓల ద్వారా మండలాలకు అక్కడి నుంచి స్కూల్స్కు వీటిని చేర్చనున్నారు.
మొత్తం 2,247 స్కూళ్లు
నిజామాబాద్జిల్లాలో 1,234, కామారెడ్డిలో 1,013 కలిపి మొత్తం 2,247 లోకల్బాడీ, గవర్నమెంట్ బడులు ఉన్నాయి. యూ–డైస్లో నమోదు చేసిన ప్రకారం రెండున్నర లక్షల మంది దాకా స్టూడెంట్స్ఉన్నారు. గవర్నమెంట్స్కూల్స్తో పాటు, కేజీబీవీ, మోడల్, రెసిడెన్షియల్స్ స్కూల్స్లో చదివే విద్యార్థులకు ప్రభుత్వం ఏటా ఫ్రీగా బుక్స్అందిస్తోంది. ఫస్ట్ క్లాస్నుంచి టెన్త్ స్టూడెంట్స్ వరకువీటిని అందుకుంటారు.
ఈ విద్యా సంవత్సరానికి నిజామాబాద్ జిల్లాకు మొత్తం 10,17,596 టెక్స్ట్ బుక్స్అవసరమని ఆఫీసర్లు తేల్చారు. ఇందులో 1,40,026 బుక్స్ గోదాంలో ఉన్నాయి. పార్ట్–1 బుక్స్ 6,37,127 అవసరం కాగా ఇప్పటికే 4,85,258 చేరాయి. మరో 1,51,869 బుక్స్ ఈ నెలాఖరుకు అందనున్నాయి. వీటిని మొదటి విడతగా స్టూడెంట్స్కు సర్దనున్నారు. పార్ట్–బీ టెక్స్ట్ బుక్స్సెప్టెంబర్లో అందించనున్నారు. సింగిల్రూల్ నోట్ బుక్స్ 1,06,580తో పాటు రఫ్ నోట్స్ 3,33,700 చేరాయి. మరో లక్షా 80 వేల ఇండెంట్ఉంది.
కామారెడ్డి జిల్లాకు మొత్తం 7.57 లక్షల టెక్స్ట్ బుక్స్ అవసరం. ఇందులో 1 నుంచి 7 క్లాసులకు 4.50 లక్షల బుక్స్ కావాల్సి ఉండగా, 2.90 లక్షలు చేరాయి. 8,9,10 తరగతుల వారికి సెకెండ్ ఫేజ్లో ఇవ్వనున్నారు. 4.59 లక్షల నోటు పుస్తకాల ఇండెంట్లో 3.68 లక్షలు జిల్లాకు అందాయి. రెండు జిల్లాలకు బ్యాలెన్స్బుక్స్ఈ నెలలోనే చేరేలా ఆఫీసర్లు మానిటరింగ్ చేస్తున్నారు. పుస్తకాల బ్యాగ్బరువు తగ్గించేందుకు ఈసారి పేపర్ మందాన్ని కొంత తగ్గించారు.
సకాలంలో పంపిణీ
జూన్ ఫస్ట్ వీక్లో మండలాలకు బుక్స్ సప్లై చేయడానికి ఆఫీసర్లు ఏర్పాట్లు చేశారు. ఎంఈఓలకు మొదట అందించి అక్కడి నుంచి స్కూల్స్కు చేర్చిన తరువాత జూన్ 12న స్టూడెంట్స్కు వీటిని హ్యాండోవర్చేయనున్నారు. టెక్స్ట్, నోటు బుక్స్ ఒకేసారి పంపిణీ చేయాలని నిర్ణయించారు.
డిలే లేకుండా సప్లై
స్కూల్స్తెరిచిన వెంటనే స్టూడెంట్స్కు బుక్స్అందిస్తాం. జిల్లాలోని గవర్నమెంట్ స్కూల్స్లో చదువుతున్న స్టూడెంట్స్ సంఖ్యకు అనుగుణంగా బుక్స్ కావాలని ఉన్నతాధికారులకు నివేదించాం. ప్రతి రోజు కొన్ని బుక్స్ జిల్లా కేంద్రానికి వస్తున్నాయి. వారం రోజుల్లో మండలాలకు చేరవేసి అక్కడి నుంచి స్కూళ్లలోపంపిణీకి ఏర్పాటు చేశాం. ఇప్పటికే ఎంఈవోలు, హెడ్ మాస్టర్లకు బుక్స్ తీసుకెళ్లాలని సూచించాం. లోపాలు లేకుండా చూస్తాం.
రాజు, కామారెడ్డి డీఈఓ
