హైదరాబాద్ సిటీ కొండాపూర్ లోని బీఆర్ఎస్ ఎమ్మెల్యే పాడి కౌశిక్ రెడ్డి ఇంటి దగ్గర హై టెన్షన్.. సవాల్ చేసినట్లుగానే శేరిలింగంపల్లి ఎమ్మెల్యే అరికెపూడి గాంధీ.. తన అనుచరులతో వచ్చారు గాంధీ. ఈ టైంలో కౌశిక్ రెడ్డి ఇంటి దగ్గర.. గాంధీ, కౌశిక్ రెడ్డి అనుచరులు బీభత్సం చేశారు.
రెండు వర్గాలకు చెందిన కార్యకర్తలు పోటీపోటీగా కోడిగుడ్లు, టమాటాలు, రాళ్లతో దాడి చేసుకున్నారు. కౌశిక్ రెడ్డి ఇంటి టార్గెట్ గా.. బయట నుంచి కోడిగుడ్లు, టమాటాలు విసిరేశారు గాంధీ అనుచరులు.
ఇదే సమయంలో కౌశిక్ రెడ్డి వర్గం నుంచి ఎదురుదాడి జరిగింది. గాంధీ అనుచరులపై రాళ్లు, గుడ్లతో ఎటాక్ చేశారు.
రెండు వర్గాలు పోటాపోటీగా కోడిగుడ్లు, టమాటాలు, రాళ్లతో దాడులకు దిగటంతో.. ఆ ప్రాంతం అంతా ఉద్రిక్తంగా మారింది. పోలీసులు పదేపదే అడ్డుకుంటున్నా.. ఏ వర్గం వాళ్లు వెనక్కి తగ్గలేదు. ఎవరికి వారు తమ ప్రతాపం చూపించారు. దీంతో కౌశిక్ రెడ్డి ఇంటి ఎదుట ఎక్కడ చూసినా పగిలిన గుడ్లు, టమాటాలే కనిపించాయి.
