మెదక్, వెలుగు : పెండింగ్ వేతనాలు చెల్లించాలని డిమాండ్ చేస్తూ జిల్లా గ్రామీణాభివృద్ధి సంస్థ (డీఆర్డీఏ) లో పనిచేసే ఈజీఎస్ ఉద్యోగులు బుధవారం నల్ల బ్యాడ్జీలు ధరించి నిరసన తెలిపారు. ఈ సందర్భంగా వారు మాట్లాడుతూ మూడు నెలలుగా తమకు వేతనాలు రావడం లేదన్నారు.
ఆర్థిక ఇబ్బందులతో సతమతమవుతున్నామని ఆవేదన వ్యక్తం చేశారు. బకాయిలు వెంటనే చెల్లించడంతోపాటు, ప్రతినెలా వేతనాలు రెగ్యులర్గా చెల్లించాలని కోరారు. ఈ కార్యక్రమంలో హెచ్ఆర్ రాజేందర్ రెడ్డి, అడిషనల్ డీఆర్పీ సంతోష్, జిల్లా ప్లాంటేషన్ సూపర్ వైజర్ శ్రావణ్ కుమార్, పీవో శశిరేఖ, కంప్యూటర్ ఆపరేటర్లు ముజీబ్, శ్యామ్ ప్రసాద్ పాల్గొన్నారు.
