మెహిదీపట్నం, వెలుగు: బోనాలు ఉత్సవాల్లో భాగంగా గోల్కొండ కోటలోని శ్రీజగదాంబిక మహంకాళి అమ్మవారికి గురువారం ఎనిమిదో పూజను ఘనంగా నిర్వహించారు. బోనాలు, తొట్టెలతో అధిక సంఖ్యలో తరలివచ్చిన భక్తులు అమ్మవారికి సమర్పించి మొక్కులు తీర్చుకున్నారు.
ఉదయం నిర్వహించిన ప్రత్యేక పూజల్లో ఆలయ కమిటీ చైర్మన్ అరవింద్ మహేష్ కుమార్, సభ్యులు తదితరులు పాల్గొన్నారు. వాటర్బోర్డు అధికారులు భక్తులకు మంచినీటి సదుపాయాన్ని కల్పించారు.
