గంగాధర, వెలుగు: కరీంనగర్ నుంచి జగిత్యాల జిల్లా పెగడపల్లి మండలం -లింగంపల్లికి వెళ్తున్న ఆర్టీసీ బస్సులో ప్రయాణిస్తున్న 75 ఏళ్ల వృద్ధుడు ఆదివారం గుండెపోటుతో చనిపోయాడు. పెగడపల్లి మండలం అయితుపల్లికి చెందిన ఆకుల గంగయ్య(75) కరీంనగర్ వెళ్లాడు. గంగాధర మండలం మధురానగర్ దాటగానే వృద్ధుడికి గుండెపోటు రాగా, డ్రైవర్ సమీపంలోని పీహెచ్సీకి తీసుకెళ్లారు. 108 సిబ్బంది వృద్ధుడిని పరీక్షించి అప్పటికే చనిపోయినట్లు తెలిపారు.
