మెహిదీపట్నం, వెలుగు: లోక్ సభ ఎన్నికల్లో భాగంగా సోమవారం జరిగే పోలింగ్ లో కేంద్రాలకు వచ్చే ఓటర్లకు ఎలాంటి ఇబ్బందులు రాకుండా చర్యలు తీసుకున్నట్లు.. ఏవైనా సమస్యలు ఎదురైతే వెంటనే ఇన్ చార్జ్ లకు చెప్పాలని ఎన్నికల సిబ్బందికి హైదరాబాద్ ఎన్నికల అధికారి, జీహెచ్ఎంసీ కమిషనర్ రోనాల్డ్ రోస్ సూచించారు. శనివారం కార్వాన్ డీఆర్ సీ ఈసెంటర్ ను సందర్శించి సిబ్బందితో మాట్లాడారు.
మూడో విడత ర్యాండమైజేషన్ కంప్లీట్
పోలింగ్ సిబ్బంది మూడో విడత ర్యాండమైజేషన్ ప్రక్రియను హైదరాబాద్ జిల్లా ఎన్నికల అధికారి రోనాల్డ్ రోస్ నేతృత్వంలో పూర్తి చేశారు. తన తన చాంబర్ లో ఎన్నికల సంఘం రూల్స్ మేరకు థర్డ్ ర్యాండమైజేషన్ ప్రక్రియ నిర్వహించారు.
