- కులగణన తర్వాతే స్థానిక సంస్థల ఎన్నికలు నిర్వహించాలి
- బీసీ సంక్షేమ సంఘం జాతీయ ప్రెసిడెంట్ జాజాల శ్రీనివాస్ గౌడ్
కామారెడ్డి, వెలుగు: కామారెడ్డి డిక్లరేషన్ ప్రకారం స్టేట్‌లో సమగ్ర కులగణన వెంటనే చేపట్టాలని బీసీ సంక్షేమ సంఘం జాతీయ ప్రెసిడెంట్జాజాల శ్రీనివాస్గౌడ్ డిమాండ్ చేశారు. కులగణన చేపట్టిన తర్వాత బీసీలకు 42 శాతం రిజర్వేషన్లు పెంచిన తర్వాతే స్థానిక సంస్థల ఎన్నికలు నిర్వహించాలన్నారు. కామారెడ్డి నుంచి కరీంనగర్వరకు 14 నుంచి 31 వ తేది వరకు చేపట్టనున్న యాత్ర ఆదివారం కామారెడ్డిలో ప్రారంభించారు.
ఈ సందర్భంగా జిల్లా కేంద్రంలోని కళా భారతి ఆడిటోరియంలో నిర్వహించిన మీటింగ్లో శ్రీనివాస్గౌడ్ మాట్లాడుతూ... బీసీ రిజర్వేషన్లు పెంచుతామని ఇటీవల రేవంత్రెడ్డి ప్రకటించడం అభినందనీయమన్నారు. స్థానిక సంస్థల ఎన్నికలు సమీపిస్తున్నందున కుల గణన పక్రియ వెంటనే చేపట్టాలన్నారు. అసెంబ్లీ ఎన్నికల సందర్భంగా కాంగ్రెస్ పార్టీ బీసీ డిక్లరేషన్ను కామారెడ్డిలో ప్రకటించిందన్నారు. కేంద్ర, రాష్ర్ట ప్రభుత్వాలు కుల గణన చేపట్టకపోతే దేశ వ్యాప్తంగా మరో మహా మండల్ ఉద్యమాన్ని తీసుకొస్తామన్నారు. రిటైర్డు ఐఏఎస్ చిరంజీవులు మాట్లాడుతూ..
కులగణనతో దేశ సమగ్రత దెబ్బతింటుందని ప్రచారం చేస్తున్న రిజర్వేషన్ వ్యతిరేకుల వాదనలో ఎలాంటి శాస్త్రీయత లేదన్నారు. బీసీ కుల సంఘాల జేఎసీ చైర్మన్ కుందారం గణేశ్చారి, బీసీ సంక్షేమ సంఘం స్టేట్ ప్రెసిడెంట్ బైరి రవికృష్ణ, కామారెడ్డి జిల్లా బీసీ సంక్షేమ సంఘం ప్రెసిడెంట్ చాప శివ రాములు, ప్రతినిధులు కుల్కచర్ల శ్రీనివాస్ముదిరాజ్, శ్యాంకుమార్, విక్రమ్గౌడ్, వెంకటేశ్, సురేందర్, రాజయ్య తదితరులు పాల్గొన్నారు.
