హైదరాబాద్ లోని మణికొండలో భారీ అగ్ని ప్రమాదం చోటు చేసుకుంది. మణికొండ మున్సిపాలిటీ పరిధిలోని పుప్పాల గూడలో ఓ అపార్టుమెంటులో షార్ట్ సర్క్యూట్ అవ్వటంతో గ్యాస్ సిలిండర్ పేలి ఈ ప్రమాదం జరిగింది. ఈ ఘటనకు సంబందించిన వివరాలిలా ఉన్నాయి. పుప్పాలగూడలోని బీఆర్సీ ఎదురుగా ఉన్న గోల్డెన్ ఒరియల్ అపార్టుమెంటులో లో షార్టుసర్కూట్ అవటంతో గ్యాస్ సిలిండర్ పేలి భారీగా మంటలు ఎగసిపడుతన్నాయి.
స్థానికుల సమాచారంతో పోలీసులు, అగ్నిమాపక సిబ్బంది రంగంలోకి దిగి మంటలను అదుపులోకి తెస్తున్నారు. అపార్టుమెంటు హెచ్ఎండీఏ నిబంధనల కు విరుద్ధంగా నిర్మించటంతో ఫైర్ ఇంజన్ లోపలికి వెళ్లలేని దుస్థితి ఏర్పడింది. దీంతో పక్క అపార్ట్ మెంట్ నుండి మంటలు ఆర్పుతున్నారు ఫైర్ సిబ్బంది.
ఈ ఘటనలో ఎలాంటి ప్రాణ నష్టం జరగకపోవడంతో ఊపిరి పీల్చుకున్నారు అపార్ట్ మెంట్ వాసులు, అధికారులు.నిబంధనలకు విరుద్ధంగా నిర్మాణం చేస్తున్న బిల్డర్ల పై కఠిన చర్యలు తీసుకోవాలని స్థానికులు డిమాండ్ చేస్తున్నారు.
