ప్రముఖ టిక్ టాక్ స్టార్, సోషల్ మీడియా ఇన్‌ఫ్లుయెన్సర్ నయని పావని (Nayani Pavani) బిగ్బాస్ సీజన్8 నుంచి ఎలిమినేట్ అయిన విషయం తెలిసిందే. అసలు తన టిక్ టాక్ వీడియోల్లో కిల్లింగ్ ఎక్స్‌ప్రెషన్స్‌తో పావని చేసే పెర్ఫామెన్స్‌లు మాములుగా ఉండేవి కావు. పైగా నయని పక్కా తెలంగాణ పోరి కావడంతో బిగ్ బాస్8లో ఇన్నాళ్లు ఆడియన్స్కి మంచి బూస్ట్ ఇచ్చింది.
ఇక తొమ్మిదోవారం ఎలిమినేషన్లో భాగంగా నయని పావనికి త‌క్కువ ఓట్లు వ‌చ్చాయ‌ని చెప్పి.. కనుకే తను హౌస్ నుంచి బయటికి వెళుతున్నట్లు నాగార్జున చెప్పేశారు. దాంతో ఈ తొమ్మిదో వారం వైల్డ్ కార్డ్ ద్వారా హౌజ్లోకి ఎంటర్ అయిన నయని పావని ఎలిమినేట్ అయ్యింది. ఇక నాలుగు వారాలు బిగ్బాస్ ఇంట్లో ఉన్న నయని భారీ మొత్తంలో రెమ్యూనరేషన్ తీసుకున్నట్లు తెలుస్తోంది. వివరాల్లోకి వెళితే..
ఈ తొమ్మిదో వారం నామినేషన్స్‌లో నయని పావని, యష్మీ, గౌతమ్, టేస్టీ తేజ, హరితేజ ఐదుగురు ఉన్న విషయం తెలిసిందే. వీరు ఒకరికొకరు చురుకైన కామెంట్స్తో దూసుకెళ్లారు. ఇక ఓటింగ్లో చివరి రెండు స్థానాల్లో హరితేజ, నయని పావని ఉండడం జరిగింది. అయితే, నయని ప్ర‌తి చిన్న విష‌యానికి ఎమోష‌న‌ల్ అవుతూ సేఫ్ గేమ్ ఆడ‌టానికి ప్ర‌య‌త్నించ‌డ‌మే తన ఎలిమినేష‌న్‌కు కార‌ణ‌మ‌ని తెలుస్తోంది.
నయని పావని రెమ్యునరేషన్::
ఇకపోతే.. ఇక బిగ్బాస్ తెలుగు 8లో పాల్గొన్నందుకు నయని పావనికి సుమారుగా వారానికి రూ.3,50,000 రెమ్యునరేషన్ ఇచ్చినట్లు టాక్. అంటే.. రోజుకు దాదాపుగా 50,000 రూపాయలు రెమ్యునరేషన్ అందుకున్నట్లు సమాచారం. ఈ లెక్కన చూస్తే.. నయని పావని నాలుగు వారాలకు దాదాపుగా రూ.14 లక్షల మేరకు రెమ్యునరేషన్ తీసుకున్నట్లు తెలుస్తోంది. దీన్ని బట్టి బాగానే సంపాదించినట్లు నెటిజన్స్ అభిప్రాయపడుతున్నారు.
అలాగే ఈ వారం నామినేషన్ కంటెస్టెంట్స్ చూసుకుంటే.. గంగ‌వ్వ, అవినాష్, టేస్టీ తేజ, రోహిణి, య‌ష్మి ఉండ‌నున్న‌ట్లు తెలుస్తోంది. ఇందులో హరితేజ డేంజ‌ర్ జోన్‌లో ఉండ‌నున్న‌ట్లు టాక్. ఏవముతుందో చూడాలి.
ఎలిమినేటెడ్ కంటెస్టెంట్స్::
ఇప్పటివరకు బిగ్ బాస్ తెలుగు 8 సీజన్‌లో వరుసగా బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల, ఢీ డ్యాన్సర్ నైనిక, కిర్రాక్ సీత, ఆదిత్య ఓం ఎలిమినేట్ అయి బిగ్ బాస్ ఇంటిని వదిలిపెట్టి వెళ్లారు. 7వ వారంలో నాగ మణికంఠ ఎలిమినేట్ అయి వెళ్లిపోయాడు. లాస్ట్ వీక్ లో మెహ‌బూబ్ హౌస్ నుంచి వచ్చేయగా.. ఈ తొమ్మిదివారం నయని పావని బయటికొచ్చేసేంది.
